Homẹbibiọ Na Adà 3
To owhe he bọdo Singigọ lọ go lẹ mẹ, Biblu donù omẹ vude delẹ go he sẹ̀n Jehovah. Delẹ to yé mẹ wẹ Ablaham, he yin yinyọnẹn taidi họntọn Jehovah tọn. Naegbọn e do yin yiylọdọ họntọn Jehovah tọn? Eyin mẹjitọ de wẹ a yin, gọalọna ovi towe nado mọdọ Jehovah tindo ojlo to ewọ mẹ bo jlo na gọalọna ẹn tlọlọ. Kẹdẹdi Ablaham po omẹ nugbonọ devo lẹ po, taidi Lọti po Jakọbu po, mí gán nọ biọ alọgọ Jehovah tọn po awuvivo po. Mí sọgan deji dọ Jehovah na hẹn opagbe he e do lẹpo di.
TO ADÀ EHE MẸ
NUPINPLỌN 7
Atọ̀họ̀ Babẹli Tọn
Mẹdelẹ magbe nado gbá tòdaho de gọna atọ̀họ̀ de he na yiaga sọ́ olọn. Naegbọn Jiwheyẹwhe do hẹn yé nado jẹ ogbè voovo lẹ do ji to ajiji mẹ?
NUPINPLỌN 8
Ablaham po Sala po Setonuna Jiwheyẹwhe
Naegbọn Ablaham po Sala po do jo owhé yetọn do to tòdaho Uli tọn mẹ nado jẹ yìyì pé ji gbọn aigba Kenani tọn ji?
NUPINPLỌN 9
Yé Wá Ji Visunnu De!
Nawẹ Jiwheyẹwhe na hẹn opagbe he e do na Ablaham di gbọn? Detẹ to visunnu Ablaham tọn lẹ mẹ wẹ e na yizan—Isaki kavi Iṣmaeli?
NUPINPLỌN 10
Mì Flin Asi Lọti Tọn
Jiwheyẹwhe hẹn jikun miyọ́n po whèmi po tọn ja do Sodọmi po Gomọla po ji. Naegbọn tòdaho ehelẹ do yin vivasudo? Naegbọn mí dona nọ flin asi Lọti tọn?
NUPINPLỌN 11
Whlepọn Yise Tọn De
Jiwheyẹwhe dọna Ablaham dọmọ: ‘Jaale, ze visunnu towe dopo gee lọ bo yí i do sanvọ́ to osó de ji to Molia.’ Nawẹ Ablaham na duto whlepọn yise tọn ehe ji gbọn?
NUPINPLỌN 12
Jakọbu Mọ Ogú lọ Yí
Isaki po Lebeka po tindo visunnu ahoho awe he nọ yin Esau po Jakọbu po. Na Esau whẹ́whẹ́ wẹ yin jiji wutu, ewọ wẹ dona mọ ogú vonọtaun de yí. Naegbọn e do ze jlọjẹ enẹ dlan na ayàn agbán dopo poun wutu?
NUPINPLỌN 13
Jakọbu po Esau po Basi Jijọho
Nawẹ Jakọbu mọ dona de yí sọn angẹli de si gbọn? Podọ nawẹ e basi jijọho hẹ Esau gbọn?