Introduksion sa Seksion 3
Mga tinuig pagkatapos sang Baha, pila lang ka tawo ang ginsambit sang Biblia nga nag-alagad kay Jehova. Lakip sa mga nag-alagad sa iya amo si Abraham, nga nakilala nga abyan ni Jehova. Ngaa gintawag sia nga abyan ni Jehova? Kon isa ikaw ka ginikanan, buligi ang imo bata nga mahibaluan nga palangga sia ni Jehova kag gusto niya sia buligan. Kaangay ni Abraham kag sang iban pa nga matutom nga lalaki, pareho ni Lot kag ni Jacob, puede man kita makapangayo sing bulig kay Jehova. Makasalig kita nga himuon gid ni Jehova ang tanan niya nga ginpromisa.
SA SINI NGA SEKSION
LEKSION 7
Ang Torre sang Babel
Nagdesisyon ang pila ka tawo nga magtukod sing siudad kag sing torre nga lambot sa langit. Ngaa gulpi lang sila ginpahambal ni Jehova sa lainlain nga lenguahe?
LEKSION 8
Si Abraham kag si Sara Nagtuman sa Dios
Ngaa ginbayaan ni Abraham kag ni Sara ang ila kabuhi sa siudad para mangin mga pangayaw sa duta sang Canaan?
LEKSION 9
Nakabata Gid Man Sila!
Paano tumanon sang Dios ang iya promisa kay Abraham? Paagi bala kay sin-o ini matuman—kay Isaac ukon kay Ismael?
LEKSION 10
Dumduma ang Asawa ni Lot
Ginpaulan sang Dios sing kalayo kag asupre sa Sodoma kag Gomorra. Ngaa ginlaglag ini nga mga siudad? Ngaa dapat naton dumdumon ang asawa ni Lot?
LEKSION 11
Gintestingan ang Iya Pagtuo
Ginsilingan sang Dios si Abraham: ‘Palihug, dal-a ang imo bugtong nga bata nga lalaki kag ihalad sia sa akon sa bukid sang Moria.’ Paano atubangon ni Abraham ini nga pagtesting sa iya pagtuo?
LEKSION 12
Nakuha ni Jacob ang Palanublion
Si Isaac kag si Rebeca may kapid nga bata nga lalaki. Bangod si Esau ang magulang, may espesyal sia nga palanublion. Ngaa ginbaylo niya ini sa isa ka yahong nga linaga?
LEKSION 13
Nag-ayuhay Liwat si Jacob kag si Esau
Paano nakabaton si Jacob sang pagpakamaayo halin sa anghel? Kag ano ang ginhimo niya para mag-ayuhay sila liwat ni Esau?