Omambo wokomeho wOrupa 3
Ozombura nḓa kongorera kOmupupo, Ombeibela i tamuna ovandu ovaṱiṱi uriri mbaave karere Jehova. Mokati kaimba mbaave mu karere mwa ri Abraham, ngwaa tjiukwa otjepanga raJehova. Ongwaye eye tjaa isanewa epanga raJehova? Tji u novanatje, ve vatera okumuna kutja Jehova tjiri u nonḓero mu wo kourike wawo nokutja u vanga okuvevatera. Eṱe matu yenene okuningira Jehova kutja me tu vatere tjimuna Abraham, Lot na Jakob tji va tjita. Matu yenene okukara nongamburiro kutja Jehova ma yenenisa omakwizikiro aehe nga tjiti.
MORUPA NDWI
EHONGWA 7
Otjiretundu tjaBabel
Ovandu tjiva va tya okutunga otjihuro notjiretundu tjohonga ndja kaposa keyuru. Ongwaye Mukuru tja tjita kutja ve ute okuhungira omaraka pekepeke?
EHONGWA 8
Abraham na Sara va kara nonḓuviro ku Mukuru
Ongwaye Abraham na Sara tji va tjinda momaturiro wawo motjihuro tjaUr nave utu okukahupa otjovaryange mehi raKanaan?
EHONGWA 9
Owo va panduka omuatje omuzandu!
Nu hapo Mukuru ma yenenisa vi omakwizikiro we nga tjita ku Abraham? Omuzandu uṋe waAbraham ngu ma yenenisa omakwizikiro nga, oIsak poo oIsmael?
EHONGWA 10
Zemburuka omukazendu waLot
Mukuru wa rokisa omuriro nosurungu kombanda yaSodom na Gomora. Ongwaye ovihuro mbyo tji vya yandekwa? Ongwaye tji matu sokuzemburuka omukazendu waLot?
EHONGWA 11
Okurorwa mongamburiro
Mukuru wa raera Abraham na tja: ‘Arikana toora omuatje woye omuzandu u kemutjite otjombunguhiro ku ami kondundu mehi raMorija.’ Abraham ma tjindi vi omarorero wongamburiro nga?
EHONGWA 12
Jakob ongwa muna otjirumatwa
Isak na Rebeka va ri novazandu omapaha vomana Esau na Jakob. Mena rokutja Esau ongwa ri otjiveri, eye aa sokumuna otjirumatwa tjapeke. Nu hapo ongwaye tja yandja otjirumatwa ho kotjiyaha tjonyama?
EHONGWA 13
Jakob na Esau mave hangana
Hapo Jakob wa muna vi ondaya okuza komuengeli? Nu omomuano uṋe eye ma tjita ohange kuna Esau?
