Jaku Pemuka ke Begian 3
Betaun pengudah Bah Besai, Bup Kudus nusui pasal sekeda orang ke nyembah Jehovah. Seiku ari sida nya, Abraham ke dikumbai pangan Jehovah. Nama kebuah iya dikumbai pangan Jehovah? Enti nuan apai indai, tulung anak nuan meda Jehovah ibuh sereta deka nulung iya. Baka Abraham enggau orang bukai ke tetap ati, chunto iya Lot enggau Jakop, kitai ulih seruran minta tulung ari Jehovah. Kitai pechaya Jehovah deka ngamatka semaya ke digaga Iya.
BA BEGIAN TU
Menara Babel
Sekeda orang mutuska ngaga nengeri enggau menara ti bediri nyentuk ke langit. Nama kebuah Petara tekala nya ngubah jaku sida ngena bemacham bansa jaku?
Abraham enggau Sarah Ngasika Petara
Nama kebuah Abraham enggau Sarah ninggalka pengidup seduai iya ba Ur lalu idup nyadi orang kampar ba menua Kanaan?
Seiku Anak Lelaki Diadaka!
Baka ni Petara ngamatka semaya Iya enggau Abraham? Ni bagi anak lelaki iya ke bisi kaul enggau semaya tu—Isak tauka Ismail?
Kingatka Bini Lot
Petara ngujan api merirang ba Sodom enggau Gomorah. Nama kebuah nengeri tu dirusak? Nama kebuah kitai patut ingatka bini Lot?
Pengarap Iya Diuji
Petara madahka Abraham: ‘Bai anak tunggal nuan mansang ngagai bukit Moriah, lalu serahka iya dia nyadika pemeri.’ Baka ni Abraham napi penguji ba pengarap iya?
Jakop Bulih Pesaka
Isak enggau Rebekah bisi anak lelaki besapit dua ke benama Esau enggau Jakop. Laban Esau keterubah ada, iya patut nerima pesaka nya. Nama kebuah iya ngelengkaka nya ketegal semangkuk bubur kachang mirah?
Jakop enggau Esau Bebaik enggau Pangan Diri
Baka ni Jakop nerima berekat ari seiku melikat? Lalu baka ni iya bebaik enggau Esau?