Maelesyo ma Kĩlungu kya 3
Mbivilia ĩwetete o andũ ma ũtala ala matwĩe myakanĩ ĩla yaatĩĩe ĩla mbua ya kĩwʼũ kingĩ, na mamũthũkũmaa Yeova. Ũmwe wa asu mamũthũkũmaa nĩ Avalaamu ũla weetiwe mũnyanyae wa Yeova. We eetiwe mũnyanyae wa Yeova nĩkĩ? Ethĩwa wĩ mũsyai tetheesya kana kaku kamanye kana Yeova nũkendete na nĩwendaa kũkatethya. O ta Avalaamu na aũme angĩ ala maĩ aĩkĩĩku, ta Loto na Yakovo, no twĩwʼae twĩ athasye kũmũvoya Yeova atũtetheesye. No twĩkale tũĩkĩĩe vyũ kana Yeova akeanĩsya kyonthe kĩla ũtwathĩte.
KĨLUNGUNĨ KĨĨ
ĨSOMO YA 7
Mwako Mũtũlu wa Mbaveli
Ve andũ matwie kwaka ndũa yĩ na mwako mũtũlu mũno ũvikĩte ĩtunĩ. Nĩkĩ Ngai weekie kyama mambĩĩa kũneena ithyomo syĩ kĩvathũkanyʼo?
ĨSOMO YA 8
Avalaamu na Sala Nĩmamwĩwie Ngai
Nĩ kyaũ kyatumie Avalaamu na Sala matia syĩndũ syoo ila maĩ nasyo me taoni makambĩĩe kũthyũũka nthĩ ya Kanaani mayĩkala maeemanĩ?
ĨSOMO YA 9
Nĩmesie Kũkwata Mwana!
Ngai esaa kwĩanĩsya maũndũ ala wamwathĩte Avalaamu ata? Wathani wa Ngai wesaa kwĩanĩwʼa kwĩsĩla mwana wĩva wa Avalaamu? Nĩ kwĩsĩla Isaka kana nĩ Isumaeli?
ĨSOMO YA 10
Lilikana Mũka wa Loto
Ngai nĩwauisye mwaki na mũvĩlĩtĩ ndũanĩ sya Sotomo na Ngomola. Ndũa isu syaanangiwe nĩkĩ? Nĩkĩ twaĩle kũlilikana mũka wa Loto?
ĨSOMO YA 11
Mũĩkĩĩo wa Avalaamu Nĩwatatiwe
Ngai eeie Avalaamu atĩĩ: ‘Osa mwana waku na ũithi ũkamumye ta nthembo kĩĩmanĩ kĩla kĩ kĩsionĩ kya Molia. Avalaamu esaa kwĩka ata mũĩkĩĩo wake watatwa ũu?
ĨSOMO YA 12
Yakovo Nĩwakwatie Ũtiĩwa
Isaka na Leveka maĩ na imwana ilĩ sya mavatha. Nũndũ Esau nĩwe wasyaiwe mbee aĩ na mwanya wa kũkwata ũtiĩwa wa vata mũno. Ĩndĩ nĩkĩ wakũanisye ũtiĩwa ũsu na mbakũli ya suvu?
ĨSOMO YA 13
Yakovo na Esau Nĩmeewʼanie
Nĩkĩ Yakovo avalũkanyʼa na mũlaĩka waathimiwe? Nĩ kwa nzĩa yĩva Yakovo weewʼanie na Esau?
