Xtiklajik li tasal 3
Li Santil Hu naxye naq moko naabʼalebʼ ta li keʼkʼanjelak chiru li Yos chiruhebʼ li chihabʼ naq ak xnumeʼk li Bʼutʼihaʼ. Saʼ xyanqebʼ wank laj Abrahan li kinawmank ru joʼ ramiiw li Jehobʼa. Tqatzol kʼaʼut kikʼabʼaʼiik chi joʼkan. Wi wank aakokʼal, tenqʼahebʼ chi rilbʼal naq li Jehobʼa naxkʼe xchʼool chirix li junjunq ut naraj xtenqʼankilebʼ. Joʼ kixbʼaanu rikʼinebʼ li tiikebʼ xchʼool joʼ laj Abrahan, laj Lot ut laj Jacob, tooruuq xtzʼaamankil re li Jehobʼa chi maakʼaʼ qakʼaʼuxl naq tooxtenqʼa, tqapaabʼ naq tixbʼaanu chixjunil li naxyeechiʼi.
SAʼ LI TASAL AʼIN
TZOLOM 7
Li nimla ochoch Babel
Ebʼ li poyanam keʼraj xkabʼlankil jun li ochoch li twulaq toj saʼ choxa. Kʼaʼut li Jehobʼa kixbʼaanu naq teʼoq chi aatinak saʼ jalanq jalanq chi aatinobʼaal?
TZOLOM 8
Laj Abrahan ut li xSara nekeʼabʼink
Kʼaʼut laj Abrahan ut xSara keʼxkanabʼ li xtenamit re wank joʼ aj bʼenel saʼ li naʼaj Canaan?
TZOLOM 9
Toj reetal nawank xkʼuulaʼalebʼ
Chanru tixbʼaanu li Jehobʼa re naq ttzʼaqloq ru li kixyeechiʼi re laj Abrahan? Chirix ani ttzʼaqloq ma laj Isaac malaj laj Ismael?
TZOLOM 10
Jultikoʼq aawe li rixaqil laj Lot
Li Yos kixbʼaanu naq tkubʼeeq chaq xaml ut asuupr saʼ xbʼeen Sodoma ut Gomorra. Kʼaʼut kixsach ebʼ li tenamit aʼin? Kʼaʼut tjultikoʼq qe rixaqil laj Lot?
TZOLOM 11
Nayaleʼk li xpaabʼal
Li Yos naxye re laj Abrahan: «Bʼaanu usilal, mayeja laawalal, li jun chaawu, saʼ li tzuul Moria». Kʼaru xbʼaanu laj Abrahan naq kiyaleʼk li xpaabʼal chi joʼkan?
TZOLOM 12
Laj Jacob naxkʼul li herensia
Laj Isaac ut xRebeca keʼwank xlut: Esau ut Jacob. Laj Esau xyoʼlaak xbʼeenwa ut tixkʼul raj jun li herencia li jwal loqʼ. Kʼaʼut xjal xbʼaan jun sekʼ chi wa?
TZOLOM 13
Laj Jacob ut laj Esau nekeʼxkʼe ribʼ saʼ usilal
Kʼaru kixbʼaanu laj Jacob re naq t-osobʼtesiiq xbʼaan jun li anjel? Chanru kixkʼe ribʼ saʼ usilal rikʼin laj Esau?