Bangogo ya Luyantiku ya Kitini 3
Na mvula yina landaka na nima ya Mvula ya Ngolo, Biblia ke tanga bazina ya bantu fioti yina sadilaka Yehowa. Abrahami, yina zabanaka bonso nduku ya Yehowa, kele na kati ya bantu yina sadilaka yandi. Sambu na nki bo bingaka yandi nduku ya Yehowa? Kana nge kele kibuti, sadisa mwana na nge na kumona nde Yehowa ke kudibanzaka sambu na yandi mpi ke zola kusadisa yandi. Bonso Abrahami mpi babakala ya nkaka ya kwikama, mu mbandu Loti ti Yakobi, beto lenda lomba lusadisu ya Yehowa konso ntangu. Beto lenda tula ntima nde Yehowa ta lungisa konso lusilu ya yandi me salaka.
NA KITINI YAI
Nzo-Zulu ya Babele
Bantu ya nkaka bakaka lukanu ya kutunga mbanza mosi mpi nzo-zulu yina nsongi na yo ta kuma na zulu. Sambu na nki na mbala mosi Nzambi salaka nde bo tuba bandinga ya kuswaswana?
Abrahami ti Sara Lemfukaka na Nzambi
Sambu na nki Abrahami ti Sara ndimaka kuyambula luzingu na bo na mbanza sambu na kutambula-tambula na insi ya Kanana?
Nsuka-Nsuka Bo Butaka!
Inki mutindu Nzambi zolaka kulungisa lusilu ya yandi pesaka Abrahami? Yo zolaka kulungana na nki mwana ya Abrahami—Izaki to Ismaele?
Beno Yibuka Nkento ya Loti
Nzambi nokisaka mvula ya tiya mpi ya sufre na Sodome mpi Gomore. Sambu na nki bo fwaka bambanza yai? Sambu na nki beto fwete yibuka nkento ya Loti?
Lukwikilu na Yandi Me Mekama
Nzambi songaka Abrahami nde: ‘Pardo, baka mwana na nge mosi kaka mpi pesa yandi bonso kimenga na ngumba mosi na nsi ya Moria.’ Inki mutindu Abrahami zolaka kunwana ti diambu yai ya ke meka lukwikilu na yandi?
Yakobi Bakaka Dikabu
Izaki ti Rebeka vandaka ti mapasa, zina na bo Ezau ti Yakobi. Sambu Ezau vandaka mwana ya ntete, yandi muntu zolaka kubaka dikabu ya mfunu. Sambu na nki yandi tekaka yo na dilonga ya supu?
Yakobi ti Ezau Me Wakana
Inki mutindu Yakobi bakaka lusakumunu na wanzio? Mpi nki mutindu yandi wakanaka ti Ezau?
