Ũhoro wa Kwambĩrĩria wa Gĩcigo gĩa 3
Bibilia ĩgwetaga o andũ anini arĩa maatungatagĩra Jehova thutha wa Mũiyũro. Ũmwe wao nĩ Iburahimu, ũrĩa woĩkaine ta mũrata wa Jehova. Nĩ kĩĩ gĩatũmire etwo ũguo? Teithia mũrutwo waku gũtaũkĩrũo atĩ Jehova nĩ akenagio nĩwe na nĩ endaga kũmũteithia. O ta Iburahimu na athuri angĩ maarĩ ehokeku ta Loti na Jakubu, mũrutwo no ahoe Jehova ũteithio ategwĩtigĩra. Mũteithie akorũo na ma atĩ Jehova no nginya ahingie ũndũ o wothe eranĩire.
GĨCHUNJĨ-INĨ GĨKĨ
Itũũra rĩa Babeli
Andũ maabangire gwaka itũũra rĩrĩ na nyũmba ndaihu ĩkinyĩte matu-inĩ. Nĩ kĩĩ gĩatũmire Ngai ahĩngĩcanie thiomi ciao o rĩmwe?
Iburahimu na Sara nĩ Maathĩkĩire Ngai
Nĩ kĩĩ gĩatũmire Iburahimu na Sara matige mũciĩ wao magatũũre hema-inĩ bũrũri-inĩ wa Kanaani?
Kũgĩa mwana thutha wa gweterera
Ngai angĩahingirie kĩĩranĩro gĩake atĩa harĩ Iburahimu? Hihi kĩĩranĩro kĩu kĩngĩahingire kũgerera harĩ ũ—Isaaka kana Ishumaeli?
Ririkanai Mũtumia wa Loti
Ngai aareheire matũũra ma Sodomu na Gomora mwaki uumĩte igũrũ. Matũũra macio maaninirũo nĩkĩ? Twagĩrĩirũo kũririkana mũtumia wa Loti nĩkĩ?
Igerio rĩa Wĩtĩkio
Ngai eerire Iburahimu ũũ: ‘Oya mũrũguo ũcio na ũthiĩ ũmũrute igongona kĩrĩma-inĩ kĩa Moria.’ Iburahimu angĩahiũranirie atĩa na ũndũ ũcio?
Jakubu Nĩwe Waheirũo Igai
Isaaka na Rebeka maarĩ na tũhĩĩ twĩrĩ twa mahatha, Esau na Jakubu. Tondũ Esau nĩwe waciarirwo mbere aarĩ na mweke mwega wa kũheo igai rĩa mwanya. Aarĩcenjanirie na irio thani ĩmwe nĩkĩ?
Jakubu na Esau nĩ Maacokirie Thayũ
Jakubu eekire atĩa nĩguo arathimwo nĩ mũraika? Jakubu eekire atĩa nĩguo acokie thayũ na Esau?
