សេចក្តីផ្តើមផ្នែកទី៣
ជាច្រើនឆ្នាំក្រោយពីទឹកជំនន់ គម្ពីរប្រាប់ឈ្មោះមនុស្សមួយចំនួនតូច ដែលបម្រើព្រះយេហូវ៉ា។ ក្នុងចំណោមពួកគេមានបុរសម្នាក់ដែលបានត្រូវហៅថា មិត្តសម្លាញ់របស់ព្រះយេហូវ៉ា។ គាត់ឈ្មោះអាប្រាហាំ។ ហេតុអ្វីគាត់បានត្រូវហៅថាមិត្តសម្លាញ់របស់ព្រះយេហូវ៉ា? បើអ្នកជាឪពុកម្ដាយ សូមជួយកូនឲ្យយល់ថា ព្រះយេហូវ៉ាយកចិត្តទុកដាក់ចំពោះកូន ហើយចង់ជួយកូន។ ម្យ៉ាងទៀត យើងអាចអធិដ្ឋានសុំជំនួយពីព្រះយេហូវ៉ាដូចអាប្រាហាំ ឡុត យ៉ាកុប និងបុរសស្មោះត្រង់ឯទៀត។ យើងអាចមានទំនុកចិត្តថា ព្រះយេហូវ៉ានឹងបន្តធ្វើតាមសេចក្ដីសន្យាទាំងអស់របស់លោក។
ក្នុងផ្នែកនេះ
មេរៀនទី៧
ប៉មបាបិល
មនុស្សខ្លះបានសម្រេចចិត្តសង់ក្រុងមួយដែលមានប៉មខ្ពស់ដល់មេឃ។ ហេតុអ្វីភ្លាមៗព្រះបានធ្វើឲ្យពួកគេនិយាយភាសាផ្សេងពីគ្នា?
មេរៀនទី៨
អាប្រាហាំនិងសារ៉ាស្តាប់បង្គាប់ព្រះ
ហេតុអ្វីអាប្រាហាំនិងសារ៉ាបានរើចេញពីផ្ទះរបស់ពួកគាត់នៅក្រុងអឺ ហើយទៅរស់នៅជាជនពនេចរក្នុងស្រុកកាណាន?
មេរៀនទី៩
ទីបំផុតមានកូនប្រុស!
តើតាមរបៀបណាព្រះនឹងសម្រេចសេចក្ដីសន្យារបស់លោកចំពោះអាប្រាហាំ? តើសេចក្ដីសន្យារបស់ព្រះនឹងកើតឡើងតាមរយៈកូនមួយណារបស់អាប្រាហាំ? តើអ៊ីសាកឬអ៊ីសម៉ាអែល?
មេរៀនទី១០
ចូរនឹកចាំអំពីប្រពន្ធរបស់ឡុត
ព្រះបានធ្វើឲ្យភ្លើងនិងស្ពាន់ធ័រធ្លាក់មកលើក្រុងសូដុមនិងក្រុងកូម៉ូរ៉ា។ ហេតុអ្វីព្រះបំផ្លាញចោលក្រុងទាំងពីរនោះ? ហេតុអ្វីយើងគួរនឹកចាំអំពីប្រពន្ធរបស់ឡុត?
មេរៀនទី១១
ព្រះសាកល្បងអាប្រាហាំ
ព្រះបានប្រាប់អាប្រាហាំថា៖‹សូមនាំកូនប្រុសតែមួយរបស់អ្នកធ្វើដំណើរទៅតំបន់ភ្នំម៉ូរីយ៉ា ហើយជូនគាត់ជាគ្រឿងបូជា›។ តើអាប្រាហាំនឹងធ្វើយ៉ាងណាចំពោះការសាកល្បងជំនឿនេះ?
មេរៀនទី១២
យ៉ាកុបបានទទួលមត៌ក
អ៊ីសាកនិងរេបិកាមានកូនប្រុសភ្លោះ មួយឈ្មោះអេសាវ មួយទៀតឈ្មោះយ៉ាកុប។ អេសាវកើតមុន ដូច្នេះគាត់មានសិទ្ធិទទួលមត៌កពិសេស។ ប៉ុន្តែ ហេតុអ្វីគាត់បោះចោលសិទ្ធិនោះដើម្បីដូរយកសម្លមួយចាន?
មេរៀនទី១៣
យ៉ាកុបនិងអេសាវត្រូវគ្នាវិញ
តើតាមរបៀបណាយ៉ាកុបបានទទួលពរពីទេវតា? តើយ៉ាកុបបានធ្វើអ្វីដើម្បីត្រូវគ្នាជាមួយនឹងអេសាវ?
