Smɔl Tin bɔt Sɛkshɔn 3
Afta di Ebi Ebi Ren, di Baybul tɔk bɔt sɔm pipul dɛn we bin de sav Jiova. Wan pan dɛn na bin Ebraam, ɛn dɛn bin sabi am as Jiova in padi. Wetin mek dɛn bin de kɔl am Jiova in padi? If yu na mama ɔ papa, ɛp yu pikin fɔ no se Jiova bisin bɔt am, ɛn i rili want fɔ ɛp am. Lɛk Ebraam ɛn ɔda fetful man dɛn, lɛk Lɔt ɛn Jekɔp, wisɛf fɔ fil fri fɔ aks Jiova fɔ mek i ɛp wi. Wi biliv tranga wan se Jiova go du ɔl wetin i dɔn prɔmis.
INSAY DIS SƐKSHƆN
LƐSIN 7
Di Tawa na Babɛl
Pipul dɛn bin disayd fɔ bil wan siti ɛn wan ay tawa we go rich ɔp na ɛvin. Wetin mek Gɔd bin mek dɛn bigin fɔ tɔk difrɛn langwej dɛn kwik kwik wan?
LƐSIN 8
Ebraam ɛn Sera Bin Obe Gɔd
Wetin mek Ebraam ɛn Sera bin lɛf di gud tin dɛn we dɛn bin gɛt na di siti fɔ go de na Kenan as strenja dɛn?
LƐSIN 9
Faynali Dɛn Bɔn Bɔypikin!
Aw Gɔd go du wetin i prɔmis Ebraam? Uswan pan Ebraam in bɔypikin dɛn de pat pan di prɔmis—Ayzak ɔ Ishmɛl?
LƐSIN 10
Mɛmba Lɔt in Wɛf
Gɔd mek faya ɛn sɔlfɔ kam na Sɔdɔm ɛn Gomɔra. Wetin mek Gɔd dɔnawe wit dɛn siti dɛn ya? Wetin mek wi fɔ mɛmba Lɔt in wɛf?
LƐSIN 11
Sɔntin Tɛst Ebraam in Fet
Gɔd tɛl Ebraam se: ‘Duya tek yu wangren bɔypikin ɛn sakrifays am to mi na wan mawntin na Mɔraya.’ Wetin Ebraam go du we tin lɛk dis tɛst in fet?
LƐSIN 12
Jekɔp Gɛt di Blɛsin
Ayzak ɛn Ribɛka bin bɔn twin dɛn. Bikɔs Isɔ na bin di big wan, i bin gɛt rayt fɔ gɛt wan spɛshal blɛsin frɔm in papa. Wetin mek i giwe am fɔ wan bol styu?
