ဖဲ​ထံလုၢ်ဘၢ​တၢ်​ဝံၤ​အလီၢ်​ခံ လံာ်စီဆှံ​ပာ်ဖျါ​ထီၣ်ဝဲ​လၢ ပှၤလၢ​အ​ဘူၣ်ထီၣ်​ဘါထီၣ် ယဟိဝၤ​ယွၤ​န့ၣ် အိၣ်​ထဲ​စှၤ​ကိးဂၤ​လီၤ. လၢ​အဝဲသ့ၣ်​အကျါ​န့ၣ် စီၤ​အၤဘြၤဟၣ်​မ့ၢ်​ပှၤ​တဂၤ​လၢ ဘၣ်​တၢ်​သ့ၣ်ညါ​အီၤ​လၢ ယဟိဝၤ​ယွၤ​အ​တံၤသကိး​လီၤ. ဘၣ်​မနုၤ​အဃိ စီၤ​အၤဘြၤဟၣ် ဘၣ်​တၢ်​ကိး​အီၤ​လၢ ယဟိဝၤ​ယွၤ​အ​တံၤသကိး​လဲၣ်. န​မ့မ့ၢ်​မိၢ်ပၢ်​န့ၣ် မၤစၢၤ​သု​ဖိ​ဒ်သိး က​နၢ်ပၢၢ်ထီၣ်​ဝဲ​လၢ ယဟိဝၤ​ယွၤ​သးအိၣ်ဝဲ​စီၤ​အၤဘြၤဟၣ် ဒီး​အဲၣ်ဒိး​မၤစၢၤ​အီၤ​တက့ၢ်. ဒ်​စီၤ​အၤဘြၤဟၣ်, စီၤလိာ် ဒီး​စီၤ​ယၤကိာ်​အသိး ပ​ဃ့​တၢ်မၤစၢၤ​လၢ​ယဟိဝၤ​ယွၤ​အ​အိၣ်​သ့ဝဲ​လီၤ. ပ​နာ်​သ့​သပှၢ်​ကတၢၢ်​လၢ ယဟိဝၤ​ယွၤ​က​မၤ​လၢထီၣ်​ပှဲၤထီၣ်​ဝဲ အ​တၢ်​အၢၣ်လီၤ​ကိးခါဒဲး​လီၤ.