Maloba ya ebandeli ya Eteni 3
Bambula nsima ya Mpela, Biblia elobeli mwa bato oyo basalelaki Yehova. Kati na bango ezalaki Abrahama, oyo abengamaki moninga ya Yehova. Mpo na nini abengamaki moninga ya Yehova? Soki ozali moboti, salisá mwana na yo amona ete Yehova atyelaka ye mpenza likebi mpe alingaka kosalisa ye. Lokola Abrahama mpe bato mosusu ya sembo, na ndakisa Lota mpe Yakobo, tokoki kosɛnga Yehova asalisa biso. Tokoki kondima ete Yehova akosala likambo nyonso oyo alaki.
NA ETENI OYO
LITEYA 7
Ndako molai ya Babele
Bato mosusu babandaki kotonga engumba moko mpe ndako molai oyo ekokende tii na likoló. Mpo na nini Nzambe asalaki na mbala moko ete bábanda koloba minɔkɔ ekeseni?
LITEYA 8
Abrahama ná Sara batosaki Nzambe
Mpo na nini Abrahama ná Sara batikaki engumba na bango mpo na kokende koyengayenga na mokili ya Kanana?
LITEYA 9
Nsukansuka babotaki mwana!
Ndenge nini Nzambe akokokisa likambo oyo ayebisaki Abrahama? Mwana nini ya Abrahama alingaki kokokisa likambo yango, Yisaka to Yishimaele?
LITEYA 10
Kanisá mwasi ya Lota
Nzambe atindaki mbula ya mɔtɔ mpe ya sufulu na Sodoma mpe Gomora. Mpo na nini abebisaki bingumba yango? Mpo na nini tosengeli kokanisa mwasi ya Lota?
LITEYA 11
Kondima na ye emekamaki
Nzambe ayebisaki Abrahama: ‘Nabondeli yo, zwá mwana na yo ya mobali kaka moko mpe pesá ye mbeka na ngomba moko na mokili ya Moria.’ Abrahama asalaki nini ntango kondima na ye emekamaki ndenge wana?
LITEYA 12
Yakobo azwaki libula
Yisaya ná Rebeka babotaki mapasa ya mibali. Lokola Esau azalaki mwana ya liboso, ye nde asengelaki kozwa lipamboli monene. Mpo na nini atɛkaki yango na saani ya supu ya lantiye?
LITEYA 13
Yakobo ná Esau bayokani
Ndenge nini Yakobo azwi lipamboli? Mpe asalaki nini mpo na koyokana na Esau?