Ntwelelo ya Kipindi 3
Bible i mutele majina a bantu batyetye kete bāingidile Yehova mu myaka yālondele’po pa kupwa kwa Dilobe. Mu bano bāingidile Yehova mudi ne Abalahama, wādi uyukene bu mulunda na Yehova. Mwanda waka Abalahama wāityilwe bu mulunda na Yehova? Shi wi mbutwile, kwasha obe mwana ayuke’mba Yehova umutele mutyima kadi usakanga kumukwasha. Pamo bwa Abalahama ne bana-balume bakwabo ba kikōkeji, kimfwa Lota ne Yakoba, netu tubwanya kulomba Yehova etukwashe. Tukulupilei amba Yehova ukafikidija milao yonso yalaile.
MU KINO KIPINDI
KIFUNDWA 7
Kiteba kya Babele
Bantu bamo abatonge kūbaka kibundi ne kiteba kya nsongo ikafika mūlu. Mwanda waka Leza wēbalengeje mu kitulumukila besambe ndimi mishileshile?
KIFUNDWA 8
Ba Abalahama ne Sala Bākōkele Leza
Mwanda waka ba Abalahama ne Sala bāshile būmi bwa mu kibundi kyabo ne kukekala na būmi bwa kwendakana mu ntanda ya Kenani?
KIFUNDWA 9
Mfulo Mfulō Mwana Wabutulwa!
Le Leza wādi wa kufikidija namani mulao waālaile Abalahama? Le i kupityila kudi mwana’ka wa Abalahama—Izake’ni Ishemele?
KIFUNDWA 10
Vulukai Mukaja Lota
Leza wānokeje mudilo ne bibidikityi pa Sodoma ne Ngomola. Mwanda waka bino bibundi byāonakanibwe? Mwanda waka tufwaninwe kuvuluka mukaja Lota?
KIFUNDWA 11
Lwitabijo Lwandi Lubatompibwa
Leza wāsapwidile Abalahama amba: ‘Nakwisāshila, sela obe mwana umo kete ulambule’ye bu kitapwa pa lūlu mu ntanda ya Modiya.’ Le Abalahama wānekenye namani dino ditompo dya lwitabijo?
KIFUNDWA 12
Yakoba Wapebwa Bupyani
Ba Izake ne Lebeka bābutwile bana ba mapasa bana-balume betwa bu Esau ne Yakoba. Esau byawādi mubajinji kubutulwa, wādi ku mulongo wa kupebwa bupyani bwa pa bula. Mwanda waka wājimije’bo ku nsāni umo wa busuku butyite?
KIFUNDWA 13
Ba Yakoba ne Esau Abalonga Ndoe
Le Yakoba wāeselwe dyese namani na mwikeulu? Ne i muswelo’ka waālongele ndoe na Esau?