Ntachikilu yaChibalu 3
Yaaka yalondelelihu kufuma haDibaji, Bayibolu yashimuna hohu majina awantu antesha amukalakeleleli Yehova. Hakachi kanawa antu hadiña niAbarahama, owu elukiliwu nawu hiibwambu daYehova. Muloñadi chamuteneneneñawu nawu ibwambu daYehova? Neyi mudi anvwali, mukwashenu mwanenu eluki nindi Yehova wamukeña nawa nakukeña kumukwasha. Neyi chelili Abarahama niamayala amakwawu ashinshika adi neyi Loti niYakoba, ninetu tunateli kumulomba Yehova mukukasunuka netu atukwashi. Twatela kukuhwelela netu Yehova wakela mwejima mwashiikayi.
MUCHINU CHIBALU
KUDIZA 7
Kaposhi kaBabeli
Antu anafuukulihu kutuña musumba nikaposhi kakalehi kakashika mumawulu. Muloñadi Nzambi chashikeneniyi kuletesha antu atachiki kuhosha madimi ashiyashana?
KUDIZA 8
Abarahama naSara Amwovwahilili Nzambi
Muloñadi Abarahama naSara chashililiwu maheta awu mumusumba nakuya nakukimboka mwituña daKenani?
KUDIZA 9
Nkumininaku Ekalili naMwana!
Nzambi wadi kushikija ñahi chikaninu chamukaniniyi Abarahama? Mwana kaAbarahama wumu yodihi mwadi kushikijewela ichi chikaninu—Isaka tahindi Ishimayeli?
KUDIZA 10
Anukenu Ñoda Loti
Nzambi wanokesheleli haSodoma naGomora kesi nisawufa. Iyi nyisumba ayijilumwininidi? Muloñadi wutwatela kwanukila ñoda Loti?
KUDIZA 11
Chesekeliwu Chikuhwelelu chaAbarahama
Nzambi wamulejeli Abarahama nindi: ‘Mwani, sendaku mwaneyi wumu hohu weyala wakamulambuli kwikala mulambu hampidi kwiluña daMoriya.’ Abarahama wadi kwila ñahi naniku kweseka kwachikuhwelelu chindi?
KUDIZA 12
Yakoba Watambwili Wuswana
Isaka naRabeka adiña nawampamba awamayala Esawu naYakoba. Chineli Esawu diyi wadiña wedi, diyi wateleleli kutambwila wuswana wadimena. Muloñadi chawuhimpililiyi nayakuda?
KUDIZA 13
Yakoba naEsawu Analeti Kuwunda
Munjilanyi mwatambwililiyi Yakoba nkisu kufuma kudi kañelu? Nawa waleteli ñahi kuwunda naEsawu?
