Babg a 3 soabã sɩngr-goama
Sa-kãsengã poore, maana yʋʋm wʋsg tɩ neb nins sẽn da tũud a Zeova wã sõor pa waoog ye. La a Abrahaam ra tũuda a Zeova. B bool-a lame t’a Zeova zoa. Bõe yĩng tɩ b ra boond-a woto? Y sã n tara biiga, sõng-y-yã-a t’a bãng t’a Zeova nong-a lame, n dat n sõng-a. A Abrahaam, a Lot ne a Zakoob n paas wẽn-sakdb a taab kosa a Zeova sõngre. Tõnd me maan wa bãmba. D tõe n kɩsa sɩd t’a Zeova na n pidsa a sẽn yeelã fãa.
BAB-KÃNGÃ PƲGẼ
SAK A 7
Babɛll gasgã
Neb kẽer n yãk yam n na n me tẽnga, la gasg t’a woglem tãag saasã. Bõe yĩng t’a Zeova kɩt tɩ nebã tiig n gomd buud-goam toor-toore?
SAK A 8
A Abrahaam ne a Saara saka Wẽnnaam
Bõe yĩng t’a Abrahaam ne a Saara bas b zakã Uur n tɩ vɩɩmd Kana?
SAK A 9
B paama bi-ribla
Wãn to la Wẽnnaam na n pids a sẽn yeel a Abrahaamã? Na n yɩɩ ne a Izaak bɩ, bɩ ne a Ismayɛlle?
SAK 10
Tẽeg a Lot pagã kibarã
Wẽnnaama kɩtame tɩ bugum ne kidbr ni wa saaga, n dɩ Sodom ne Gomoor tẽngã. Bõe yĩng tɩ Wẽnnaam sãam tẽn-kãensã? Bõe yĩng tɩ d segd n tẽeg a Lot pagã kibarã?
SAK 11
Wẽnnaam maka a Abrahaam tẽebã
Wẽnnaam yeela a Abrahaam yaa: ‘M bõos tɩ f rɩk f bi-yẽndã n kẽng Moriiza tãng a ye zugu, n maan maoong n kõ maam.’ A Abrahaam manesem yɩɩ wãna?
SAK 12
Yaa a Zakoob n paam rogem-pʋɩɩrã
A Izaak ne a Rebeka paama kom-dibli a yiib sẽn yaa kinkirsi, a Ezayu ne a Zakoobe. A Ezayu sẽn da yaa pipi biigã yĩnga, yẽ n da segd n paam rogem-pʋɩɩrã. Bõe yĩng t’a tek a rogem-pʋɩɩrã ne rɩɩbo?
SAK 13
A Zakoob ne a Ezayu le zemsa taaba
Bõe la a Zakoob maan n paam tɩ malɛkã ning-a barka? Bõe la a Zakoob maan sẽn na yɩl tɩ yẽ ne a Ezayu le zems taaba?
