Kampa peua tlaxeloli 3
Kema ya panotoya se keski xiuitl kema tlauel uetski atl, Biblia kiijtoua san se keskij maseualmej kitekipanojkej toTeotsij. Abraham elki se katli kitekipanok toTeotsij uan kiixmatkej kej Jehová iuampo. Tikitasej kenke kiiljuijkej eliyaya iuampo. Tlaj tikinpia mokoneuaj, xikinpaleui ma kiitakaj kenijkatsa Jehová tlauel kiniknelia uan kineki kinpaleuis. Ma tikiljuikaj Jehová ma techpaleui, kej kichijkej Abraham, Lot, Jacob uan sekinok katli kuali kitekipanojkej. Uan ma timotemachikaj ya nelia kichiuas nochi tlen kiijtojtok.
TLEN NIKAJ ONKA
TLAMACHTILI 7
Kichijchijkej se torre ipan Babel
Maseualmej kinekiyayaj kichiuasej se ueyi altepetl uan se torre tlen asiskia iluikak. ¿Kenke toTeotsij kichijki ma kamanaltikaj miak tlajtoli?
TLAMACHTILI 8
Abraham uan Sara kineltokakej toTeotsij
¿Kenke Abraham uan Sara kikajtejkej ininchaj ipan Ur uan yajkej mochantitoj ipan Canaán?
TLAMACHTILI 9
¡Kipixkej se ininkone!
¿Kenijkatsa toTeotsij kichiuaskia tlen kiiljuijtoya Abraham? ¿Ipan ajkia moaxitiskia? ¿Ipan Isaac o Ismael?
TLAMACHTILI 10
Xikilnamiki tlen kipanok Lot isiua
ToTeotsij kichijki ma uetsi tlitl uan azufre ipan altepetl Sodoma uan altepetl Gomorra. ¿Kenke kintsontlamiltik nopa altepemej? ¿Kenke moneki tikilnamikisej tlen kipanok Lot isiua?
TLAMACHTILI 11
Monejki kinextis tlaj kuali tlaneltokayaya
ToTeotsij kiiljuik Abraham: “Xijkui Isaac moiyojtsi kone uan xia ipan tlali Moria, uan nopaya xinechmaka keja se tlakajkaualistli”. ¿Kenijkatsa monekiyaya kinextis Abraham kuali tlaneltokayaya?
TLAMACHTILI 12
Jacob kiselik se tlamantli tlen tlauel ipati
Isaac ikoneuaj elkej kuatemej. Motokaxtiyayaj Esaú uan Jacob. Esaú kinamikiyaya ma kimakakaj nopa herencia pampa tlakatki achtoui. ¿Kenke Esaú kipatlak tlen kiseliskia ika tlakualistli?
TLAMACHTILI 13
Jacob uan Esaú moyoltlalijkej
¿Tlake kichijki Jacob pampa kinekiyaya nopa iluikaejketl ma kiteochiua? ¿Tlake kichijki Jacob kema kinejki moyoltlalis iuaya iikni?
