Tein ika tajtoua taxelol 3
Itech Biblia semi amo miakej ixnesij akin kitekitiliayaj Dios satepan ke panok Tetsaujkakiouit. Semej katka Abrahán, akin moixmatik kemej itasojikniuj Jiova, oso akin kuali iuan mouikaya. Tikitaskej keyej ijkon moixmatik. Komo tikonpia konemej, xikonpaleui maj kiitakan ke Jiova ininka motekipachoua sejsemej uan kineki kinpaleuis. Ijkon kemej Abrahán uan okseki itekitikauan akin amo keman kikaujkej, kemej Lot uan Jacob, uelis senkis tiktajtaniskej Jiova maj techpaleui, uan uelis titakuaujtamatiskej ke yejuatsin kichiuas nochi tein motenkaua.
TEIN NIKAN MOAJSI
TAMACHTILIS 7
Uejkapan kali itech altepet Babel
Taltikpakneminij kiixtalijkej kichijchiuaskej se altepet uan se uejkapan kali tein ajsiskia hasta iluikak. ¿Keyej Dios kinpatilij inintajtol?
TAMACHTILIS 8
Abrahán uan Sara kitakamatij Dios
¿Keyej Abrahán uan Sara kikaujkej ininchan uan mokaltalijtinenkej ompa Canaán?
TAMACHTILIS 9
¡Kipiajya se konetsin!
¿Keniuj Jiova kichiuaskia tein motenkaujka iuan Abrahán? ¿Itechkopa Isaac oso Ismael?
TAMACHTILIS 10
Xikelnamiki inamik Lot
Dios kichiuak maj uetsini tit uan azufre itech xolal Sodoma uan Gomorra. ¿Keyej kinixpoloj nejin xolalmej? ¿Keyej moneki tikelnamikiskej inamik Lot?
TAMACHTILIS 11
Moneki kinextis ox takuaujtamati
Dios kiluij Abrahán: “Ika kualtakayot, xikui mokonetsin akin sayoj setsin uan xiktemakti itech se tepet tein moajsi itech tal Moria”. ¿Keniuj kinextiskia Abrahán ke takuaujtamatia?
TAMACHTILIS 12
Jacob kiselia netetayokolil
Isaac uan Rebeca kinpiakej ome konemej akin senyolkej akin motokaytiayaj Esaú uan Jacob. Kemej Esaú yolik achto, kiseliskia se netetayokolil tein kitelpiaya ipatiuj. ¿Keyej kiixpatak ika sentapalkat takual?
TAMACHTILIS 13
Jacob uan Esaú kiyektaliaj kuejmol
¿Keniuj se ángel kimakak Jacob se tatiochiualis? ¿Keniuj Jacob kiyektalij kuejmol tein kipiaya iuan Esaú?
