Itech tlen tlajtos sección 3
Biblia kinteneua achijtsitsintin tlaltikpakchanejkej akin okitekichiuilijkej toTajtsin ijkuak yopanoka Apachiuilistli. Semej itech yejuamej katka Abrahán, akin okixmatkej ken akin iuan onouikak Jehová. ¿Tleka Jehová okitokayoti ken akin iuan onouikak? Tla tikinpiya mokoneuan, xkinpaleui makitakan ika Jehová najmana inpampa niman ika kineki kinpaleuis. Ijkon ken Abrahán niman oksekimej akin oyolmelaujkanenkej, ken Lot niman Jacob, tejuamej kuajli tikmatstokej ika uelis tiktlajtlaniliskej Jehová matechpaleui niman ika kichiuas nochi tlen yokijto.
IPAN YEJUIN SECCIÓN
TLAMACHTIJLI 7
Torre tlen onochijchiuj ipan Babel
Sekimej tlaltikpakchanejkej okinejkej kichijchiuaskej se ueyi kalpan ika se torre tlen maajsi iluikak. ¿Tleka toTajtsin okichiuj ika tlaltikpakchanejkej nimantsin matlajtokan miyek tlajtoltin?
TLAMACHTIJLI 8
Abrahán iuan Sara okitlakamatkej toTajtsin
¿Tleka Abrahán iuan Sara okikaujteujkej inkal tlen kipiayaj Ur niman ipan Canaán san nokajkaltiayaj?
TLAMACHTIJLI 9
¡Aman kema, kipiyaj se inkoneuj!
¿Kenon kichiuaskia Jehová tlen okijli Abrahán? ¿Nochiuaskia itechkopa Isaac noso Ismael?
TLAMACHTIJLI 10
Xkilnamiki isiuauj Lot
ToTajtsin okichiuj mauetsiki tlitl niman azufre ipan Sodoma niman Gomorra. ¿Tleka okinpopolo yejon ueyikalpamej? ¿Tleka noneki tejuamej matikilnamikikan isiuauj Lot?
TLAMACHTIJLI 11
Notlatlata itlaneltokil Abrahán
ToTajtsin okijli Abrahán: “Nimitstlajtlanilia, xnechuentlalili mosentekoneuj ipan tepetl Moria”. ¿Kenon kixnamikiskia Abrahán yejuin tlatlatalistli?
TLAMACHTIJLI 12
Jacob kiselia herencia
Isaac iuan Rebeca okipixkej ome ikoneuan, intoka katka Esaú iuan Jacob. Pampa Esaú kachtopa onen, yejua akin kiseliskia herencia tlen melak tlasojtiya. ¿Tleka okipatlak san ika se tlakuajli?
TLAMACHTIJLI 13
Jacob niman Esaú noyolseuiyaj
¿Kenon Jacob okiseli se tlateochiualistli itech se iluikaktekitketl? ¿Niman kenon onoyolseui iuan Esaú?
