Onondaka Mbokuhimbika Onthele 3
Konyima Yombila Onene, ovanthu vapopiwa Mombimbiliya vaumbila Jeova ankho kavehi. Umwe puvo, ankho o Abraiau, ankho wiiwe okuti epanga lia Jeova. Omokonda yatyi aihanenwa okuti epanga lia Jeova? Inkha ove una omona, mukuatesako okunoñgonoka okuti Jeova wesuka nae iya uhanda okumukuatesako. Nga Abraiau novalume ovakuavo vekolelo, ngetyi o Lote na Jako, nonthue tupondola okuita ku Jeova opo etukuateseko. Mukuatesako okukala nonthumbi yokuti Jeova mafuisapo omilao aviho alinga.
MONTHELE EI
ELONGESO 7
Ondyuo yo Mbabele
Ovanthu vamwe ankho vahanda okutunda epundaumbo nondyuo imwe ihika peulu. Omokonda yatyi Huku apilulula opo vapopie omalaka omanyingi?
ELONGESO 8
Abraiau na Sara Vetavelele Huku
Omokonda yatyi Abraiau na Sara vasapo ondyuo yavo mepunda-umbo lio Ur opo vakakale momakaka mo Kanaa?
ELONGESO 9
Omona Ankho Ukevelelwa!
Oñgeni Huku mafuisipo omulao wae alinga na Abraiau? Olie povana va Abraiau wapopiwa—o Isake ine Isimayeli?
ELONGESO 10
Hinangela Omukai wa Lote
Huku wayoka o Sodoma no Gomora. Omokonda yatyi omapundaumbo oo ahanyenuapo? Omokonda yatyi tuna okuhinangela omukai wa Lote?
ELONGESO 11
Ekolelo Lia Abraiau Lilolwa
Huku wapopila Abraiau okuti: ‘Mbambavo pola omona wove iya enda komphunda ikahi kotyilongo tyo Moriaa kemulinge otyilikutila.’ Oñgeni otyo ankho tyalola ekolelo lia Abraiau?
ELONGESO 12
Jako Upewa Epingo
Isake na Rebeka ankho una omapaha vatiwa Esau na Jakob. Mokonda Esau otyiveli, ankho una okupewa epingo. Omokonda yatyi akumanena ouveli wae nokulia?
ELONGESO 13
Jako na Esau Velievela
Oñgeni Jako apewa ononkhano onongwa noandyu? Iya oityi Jako alinga opo vakale ombembwa na Esau?