Ebirikwanjura Ekicweka 3
Emyaka eyaakuratsireho bwanyima y’omwegyemure, Baibuli neegamba aha bantu bakye abaabaire nibaheereza Yehova. Omwe ahari bo akaba ari Abrahamu, owaabaire naamanywa nka Munywani wa Yehova. Ahabw’enki yaayetsirwe munywani wa Yehova? Waaba ori omuzaire, hwera omwana waawe kumanya ngu Yehova naamukunda kandi ngu naayenda kumuhwera. Nitubaasa kushaba Yehova kutuhwera nk’oku yaahwereire Abrahamu n’abandi abeesigwa, nka Looti na Yakobo. Nitubaasa kwesigira kimwe ngu Yehova naija kuhikiiriza byona ebi arikuturaganisa.
OMU KICWEKA EKI
EISHOMO 7
Omunaara gwa Babeeli
Abantu bakacwamu kwombeka orurembo n’omunaara ogurikuhika ahaiguru. Ahabw’enki Ruhanga yaabareeteire kugamba endimi ezitarikushushana ahonaaho?
EISHOMO 8
Abrahamu na Saara Bakoorobera Ruhanga
Ahabw’enki Abrahamu na Saara baarugire omu nsi yaabo bakaza kutuura omuri Kanaani?
EISHOMO 9
Okuzaarwa kw’Omwana w’Omwojo
Ruhanga akaba naija kuhikiiriza ata okuraganisa kwe ahari Abrahamu? Ni mutabani ki owa Abrahamu ou Ruhanga yaabaire naija kuhikiiririzamu okuraganisa kwe—Isaaka nari Ishimaeli?
EISHOMO 10
Ijuka Muka Looti
Ruhanga akagwisa omuriro n’obuganga ahari Sodoma na Gomora. Ahabw’enki Yehova yaacwekyereize endembo ezo? Ahabw’enki tushemereire kwijuka muka Looti?
EISHOMO 11
Okwikiriza kwa Abrahamu Kugyezibwa
Ruhanga akagambira Abrahamu ati: ‘Twara omwana waawe omwe nyamunegyere kandi omutambe nk’ekitambo aha kibungo kimwe omu nsi ya Moria.’ Akaba naija kutwaza ata obu okwikiriza kwe kwagyezibwa?
EISHOMO 12
Yakobo Okutunga Obuhunguzi
Isaaka na Rebeka bakeeta aboojo baabo babiri ab’empasha Esau na Yakobo. Ahabw’okugira ngu Esau akaba ari omujigaijo, akaba naija kutunga obuhunguzi bw’omuhendo. Ahabw’enki yaabugabire ahabw’ebakuri y’eby’okurya?
EISHOMO 13
Okugarukana kwa Yakobo na Esau
Yakobo akatunga ata omugisha kuruga ahari maraika? Kandi akagaruraho ata obusingye na Esau?