Enleidunk fa daut 3. Poat
De Schreft rät mau von sea weinich Menschen, waut Jehova no de groote Äwaschwamunk deenden. Eent von dee wia Abraham. Dee wia aus Gott sien Frint bekaunt. Wuarom wort dee Gott sien Frint jenant? Wan jie Kjinja haben, dan halpt dee to vestonen, daut Jehova sea om jieda eenem von an todoonen es un an halpen well. Wie kjennen ons gaunz frie feelen, Jehova no Help to froagen, soo aus Abraham, Loot un Jakob un aundre true Menschen daut deeden. Jehova woat aules hoolen, waut hee vesprakjt – doa kjenn wie ons gaunz opp veloten.
EN DIT POAT
KAPITEL 7
De Torm von Babel
Eenje Menschen wullen eene Staut un eenen Torm buen. Dee sull batem Himmel rieekjen. Wuarom jeef Gott dee met eenst veschiedne Sproaken?
KAPITEL 8
Abraham un Sara sent Gott jehuarsom
Wuarom veleeten Abraham un Sara de Staut Ur un wonden en Kanaan en Zelten?
KAPITEL 9
No eene lange Tiet kjrieen see eenen Sän
Woo wudd Gott daut Vespräakjen erfellen, waut hee Abraham jeef? Wudd sikj daut derch Isaak ooda Ismael erfellen?
KAPITEL 10
Denkjt aun Loot siene Fru
Gott leet Fia un Schwäwelblitt äwa Sodom un Gomorra räajnen. Wuahäa worden dee Städa venicht? Wuarom sell wie aun Loot siene Fru denkjen?
KAPITEL 11
Abraham sien Gloowen woat aufjeprooft
Gott säd to Abraham: “Nemm doch dienen eensjen Sän un doo dän bie eenen Boajch en daut Launt Morija opfren.” Wudd Abraham dit doonen?
KAPITEL 12
Jakob kjricht daut Oafgoot
Isaak un Rebecka hauden een Poakje. Daut wieren Esau un Jakob. Wiels Esau daut ieeschte jebuaren wia, sull dee een besondret Oafgoot kjrieen. Wuarom tuscht dee daut fa een Komkje Äten en?
KAPITEL 13
Jakob un Esau moaken Fräd
Wuarom wort Jakob von eenen Enjel jesäajent? Un woo muak dee met Esau Fräd?