3 tʼaqaj qallariynin
Bibliaqa Jatun Para pasasqanmanta qhepaman pisi runaslla Diosta yupaychasqankuta willan. Chay runasmanta ujnenqa Abrahán karqa. Payqa Jehová Diospa sumaj amigon karqa. Kaypitaj yachakusun imajtinchus Abrahán Diospa amigon kasqanta. Wawasniyoj kanki chayqa, wawasniykita yanapariy Jehová Dios paykunata yanapayta munasqanta reparanankupaj. Chantapis Abrahán, Lot, Jacob, Diospa waj kamachisnin jina, Jehová Diospa yanapanta mañakusunman, tukuy ima nisqanta juntʼananpitaj atienekusunman.
KAY TʼAQAPI
CAPÍTULO 7
Babelpi uj torreta ruwarqanku
Runasqa uj llajtata uj torretawan cielokama chayajta ruwayta munarqanku. ¿Imajtintaj Dios parlayninkuta chajrorqa?
CAPÍTULO 8
Abrahanwan Sarawan Diosta kasukunku
¿Imaraykutaj Abrahanwan Sarawan Ur llajtamanta riporqanku Canaán jallpʼapi toldospi tiyakunankupaj?
CAPÍTULO 9
Wawayoj karqanku
¿Imaynatataj Jehová Dios nisqanta juntʼarqa? Diospa nisqan, ¿Isaacnejtachu chayri Ismaelnejtachu juntʼakorqa?
CAPÍTULO 10
Lotpa warminmanta yuyarikuna
Jehová Diosqa Sodoma, Gomorra llajtasman azufreyoj ninata paracherqa. ¿Imajtintaj chay llajtasta chinkacherqa? ¿Imajtintaj Lotpa warminmanta yuyarikuna tiyan?
CAPÍTULO 11
Abrahanqa creeyniyoj karqa
Dios Abrahanman nerqa: “Munasqa kʼata wawaykita pusarikuspa, riy Moriah sutiyoj jallpʼaman. Chaypitaj ujnin orqopi payta qʼolachipuway”, nispa. ¿Imatataj Abrahanwan Isaacwan ruwarqanku?
CAPÍTULO 12
Jacob herenciata japʼerqa
Isaacwan Rebecawan iskay wawasniyoj karqanku. Esautaj kuraj wawanku karqa. Chanta, ¿imajtintaj herencianta uj plato mikhunarayku vendeporqa?
CAPÍTULO 13
Jacobwan Esauwan allinyakapunku
¿Imajtintaj uj ángel Jacobta bendicerqa? ¿Imatataj Jacob ruwarqa Esauwan allinyakapunanpaj?