3 t’aqata qallarinapaq
Biblian willawanchis jatun para kasqan qhepaman pisi runakunalla Jehová Diosta servisqankuta. Jujninmi karan Abrahán, paytan niranku: “Diospa amigon”, nispa. Kay t’aqapin yachasunchis imarayku chhaynata niranku chayta. Wawakunayoq kanki chayqa, allinta entiendechiy Jehová Dios wawakunata munakusqanta yanapay munasqantapas. Noqanchispas Abrahán, Lot, Jacob jinan tukuy sonqowan Diospa yanapayninta mañakusunman.
KAY T'AQAPIN KAYKUNA KASHAN
7 WILLAKUY
Jatun torre
Runakunan decidiranku llaqtata jatunkaray torretawan ruwanankupaq. ¿Imaraykun qonqayllamanta Dios paykunata juj rimaykunapi rimachipuran?
8 WILLAKUY
Abrahanwan Sarawan Diosta kasukunku
¿Imaraykun Abrahanpas Sarapas llaqtapi kausayninkuta cambiaranku Canaán llaqtapi karpakunapi tiyanankupaq?
9 WILLAKUY
¡Wawayoq kanku!
¿Imaynatan Abrahanman Diospa prometesqan junt’akunan karan? ¿Isaacwanchu icha Ismaelwanchu junt’akunan karan?
10 WILLAKUY
Ama qonqaychu Lotpa esposanwan pasasqanta
Diosmi azufreyoq ninata parachimuran Sodoma Gomorra llaqtakunaman. ¿Imaraykun chay llaqtakuna thunisqa karan? ¿Imaraykun mana qonqananchischu Lotpa esposanta?
11 WILLAKUY
Iñiyninpi probasqa karan
Diosmi Abrahanta niran: “Sapallan wawaykita Moria orqoman apaspa sacrificiopi jaywamuy”, nispa. ¿Abrahanpaq sasachu karan chayta kasukuy?
12 WILLAKUY
Jacob herenciata chaskin
Isaacwan Rebecawanmi gemelo wawakunayoq karanku. Esaú ñaupaqta naceran, chaymi phiwi churiman tupaq herenciata chaskinan karan. ¿Imaraykun juj plato mijunawan chay herencianta cambiapuran?
13 WILLAKUY
Jacobwan Esauwan allipunanku
¿Imatan Jacob ruwaran bendicionta chaskinanpaq? ¿Imaynatan hermanon Esauwan allipunakapuranku?