Увод башо 3 дело
Ко берша пало Потоп, и Библија спомнинела само некобор мануша со служинена сине верно е Јеховаске. Јекх лендар сине о Авраам, хем и Библија вакерела аменге кај ов сине е Јеховаскоро амал. Соске сине пенџардо сар е Јеховаскоро амал? Ако сиан родители, поможин те чхавеске те хаљол кај о Јехова грижинела пе леске хем кај мангела те поможинел ле. Исто сар о Авраам хем јавера верна слуге, сар на пример о Лот хем о Јаков, амен да шај секогаш те рода помош таро Јехова. Шај те ова сигурна кај о Јехова ка исполинел са со ветинѓа.
КО АКАВА ДЕЛО
7 ЛЕКЦИЈА
И Вавилонско кула
О мануша мангле те керен кула бари џи ко небо. Соске о Девел керѓа те керен о мануша лафи ко различно чхибја?
8 ЛЕКЦИЈА
О Авраам хем и Сара шунѓе е Девле
Соске о Авраам хем и Сара мукхле пли диз хем геле те живинен ки пхув со викинела пе сине Ханаан?
9 ЛЕКЦИЈА
Добинѓе мурш чхаво
Сар о Девел исполнинѓа пло ветување со денѓа е Авраамеске? Преку касте исполнинѓа ле, преку о Исак или преку о Исмаел?
10 ЛЕКЦИЈА
Сетин тут ки е Лотескири ромни
О Девел мукхља бршим тари јаг хем таро сулфур упро Содом хем Гомор. Соске уништинѓа акала дуј дизја? Соске ваљани те сетина амен ки е Лотескири ромни?
11 ЛЕКЦИЈА
Е Авраамескири вера сине испитими
О Девел вакерѓа е Авраамеске: Молинава тут, ле тле единствено чхаве хем де ле сар жртва ки планина ки Морија. Со керѓа о Авраам?
12 ЛЕКЦИЈА
О Јаков добинѓа наследство
О Исак хем и Ревека сине лен близнакија. Адалеске со о Исав сине првобијамо чхаво, ле сине ле право ко наследство. Соске адава заменинѓа ле јекхе чорбаја?
13 ЛЕКЦИЈА
О Јаков хем о Исав смиринѓе пе
Соске о Јаков боринѓа пе е ангелеа хем родинѓа лестар благослов? Сар о Јаков смиринѓа пе е Исавеа?