Uvod bašo 3 delo
Ko berša palo Potop, i Biblija spomninela samo nekobor manuša so služinena sine verno e Jehovaske. Jekh lendar sine o Avraam, hem i Biblija vakerela amenge kaj ov sine e Jehovaskoro amal. Soske sine pendžardo sar e Jehovaskoro amal? Ako sian roditeli, pomožin te čhaveske te haljol kaj o Jehova grižinela pe leske hem kaj mangela te pomožinel le. Isto sar o Avraam hem javera verna sluge, sar na primer o Lot hem o Jakov, amen da šaj sekogaš te roda pomoš taro Jehova. Šaj te ova sigurna kaj o Jehova ka ispolinel sa so vetingja.
KO AKAVA DELO
7 LEKCIJA
I Vavilonsko kula
O manuša mangle te keren kula bari dži ko nebo. Soske o Devel kergja te keren o manuša lafi ko različno čhibja?
8 LEKCIJA
O Avraam hem i Sara šungje e Devle
Soske o Avraam hem i Sara mukhle pli diz hem gele te živinen ki phuv so vikinela pe sine Hanaan?
9 LEKCIJA
Dobingje murš čhavo
Sar o Devel ispolningja plo vetuvanje so dengja e Avraameske? Preku kaste ispolningja le, preku o Isak ili preku o Ismael?
10 LEKCIJA
Setin tut ki e Loteskiri romni
O Devel mukhlja bršim tari jag hem taro sulfur upro Sodom hem Gomor. Soske uništingja akala duj dizja? Soske valjani te setina amen ki e Loteskiri romni?
11 LEKCIJA
E Avraameskiri vera sine ispitimi
O Devel vakergja e Avraameske: Molinava tut, le tle edinstveno čhave hem de le sar žrtva ki planina ki Morija. So kergja o Avraam?
12 LEKCIJA
O Jakov dobingja nasledstvo
O Isak hem i Reveka sine len bliznakija. Adaleske so o Isav sine prvobijamo čhavo, le sine le pravo ko nasledstvo. Soske adava zameningja le jekhe čorbaja?
13 LEKCIJA
O Jakov hem o Isav smiringje pe
Soske o Jakov boringja pe e angelea hem rodingja lestar blagoslov? Sar o Jakov smiringja pe e Isavea?
