Uvod ko 3. deo
I Biblija vačeri samo ando nekobor manuša kola verno služindže e Jehovase, palo Potop. Jekh oljendar hine o Avraham. I Biblija phenela so ov hine e Jehovaso amal. Sose o Jehova phendža ljese soj tano oljeso amal? Ako isi tut čhave, pomožin ljendže te haljon so o Jehova brinini pe oljendže hem so mangela te pomožini ljen. O Avraham hem avera verna manuša, sar na primer o Lot hem o Jakov, uvek rodindže pomoć ando Jehova. Odova šaj te čera hem amen. Šaj te ova sigurna so o Jehova ka ispunini sa so obećindža.
KO AKAVA DEO
7. PRIČA
I Vavilonsko kula
O manuša manglje te čeren bari kula dži ko nebo. Sose o Devel čerdža o manuša te vačeren ko različita čhibja?
8. PRIČA
O Avraham hem i Sara šundže e Devlje
Sose o Avraham hem i Sara mukhlje pi diz hem dželje te živinen ki nanansko phuv?
9. PRIČA
O Avraham hem i Sara dobindže čhave
Sar o Devel ispunindža po obećanje so dindža e Avrahamese? Prekalo kaste ispunindža lje, prekalo o Isak ili prekalo Ismailo?
10. PRIČA
Setin tut ki e Lotesi romni
O Devel mukhlja boršim andi jag hem ando sumpor upro Sodom hem Gomor. Sose uništindža akala duj dizja? Sose valjani te setina amen ki e Lotesi romni?
11. PRIČA
E Avrahamesi vera hine ispitimi
O Devel phendža e Avrahamese: „Molinava tut, lje te čhave e jedinco hem de lje sar žrtva ki planina ki Morija.“ So čerdža o Avraham?
12. PRIČA
O Jakov dobindža o nasledstvo
O Isak hem i Rebeka hine ljen bliznakija. Odoljese so o Isav hine najphureder čhavo, ov hine lje pravo ko nasledstvo. Sose zamenindža lje aso jekh habe?
13. PRIČA
O Jakov hem o Isav pomirisalje
Sose o Jakov borindža pe e anđeleja hem rodindža oljestar blagoslov? Sar o Jakov mirindža pe e Isaveja?