Сар дицол анда Библия после кода, сар прожыля о потопо, кати дэсавэ мануша кандэнас лэ Иеговас. Ек андар лэндэ сас о Авраамо. О Иегова ԥэндя, кай во лэско друӷо. Васо лэ Иеговасти во сас куч? Кала ту адинос кадэя книжка лэ бэятоса, росԥэн лэсти, кай во тэ полэл, кай о Иегова любий лэс и камэл тэ поможый лэсти. О Авраамо и авэр лэ Иеговастирэ мануша кацавэ, сар о Лото и о Иаково а́ндэ вся мангэнас лэ Иеговас, кай во лэнди тэ поможый. Драго, кала амэ терас кадя, сар вонэ. Амэ патяс, кай о Иегова зритярэла кажно алав, саво во дя.