Fampilira amy Fizarà Faha-3
Mivola ty Baiboly fa nisy olo nanompo ani-Jehovah avao tao maromaro tafarani-Ranobe iny. Fe vitsivitsy rozy. Raiky amy zay Abrahama. Nama-Jehovah ty nikaiha azy. Nanino ie ro nikaihy hoe nama-Jehovah? Ampeo ty anakinao soa ho hainy hoe tena mikarakara azy Jehovah, sady ta hanampy azy. Tsy nisalasala nangataky fanampea tamy Jehovah Abrahama noho ty lahilahy manam-pinoa hafa, manahaky an-dry Lota noho Jakoba. Afaky manao manahaky an-drozy koa tsika. Matokisa fa hataoni-Jehovah iaby ze raha nampitamaniny antsika.
AMY FIZARÀ TOY
FIANARA FAHA-7
Tranoaboni-Babela
Nanapa-kevitsy ty olo sisany fa hamboatsy tanà noho tranoabo mahatakatsy lanitsy iny. Manino ro natao-Ndranahary samby hafa tampoky ty fivolanan-drozy?
FIANARA FAHA-8
Nanoriky ty Safà-Ndranahary Abrahama Noho Saraha
Nanino ro nialan-dry Abrahama noho Saraha ty fiainan-drozy tan-davily tao fa naleon-drozy nikariokarioky amy tany Kanana any?
FIANARA FAHA-9
Nahazo Anaky amy Zay!
Manao akory ty hanatanteraha-Ndranahary ty raha nampitamaniny ani-Abrahama? Ia amy anakilahini-Abrahama rey ro hampiasany? Isaka sa Ismaela?
FIANARA FAHA-10
Tiarovo Valini-Lota Iny
Nandatsaha-Ndranahary afo noho solifara Sodoma noho Gomora. Nanino tanà reo ro naripaky? Manino tsika ro tokony hahatiaro valini-Lota iny?
FIANARA FAHA-11
Fitsapam-pinoa
Nivola tamy Abrahama Ndranahary hoe: ‘Andeso, zafady, anakilahinao toka iny, le anovo fanatitsy ho ahy amy vohitsy Moria eny.’ Nanao akory ty niatrehani-Abrahama ani-fitsapam-pinoa zay?
FIANARA FAHA-12
Niazoni-Jakoba Lova Iny
Nanan’anakilahy hamba Isaka noho Rebeka. Esao noho Jakoba ty anaran-drozy. Esao ro zoky, ka ie ro tokony hahazo ty zoni-talanolo. Ka manino raha zay ro natakalony voamaina boly raiky?
FIANARA FAHA-13
Nilongo Ndraiky Jakoba Noho Esao
Nanao akory ty nahazoani-Jakoba tso-drano baka amy anjely raiky? Le ino ty nataony mba hilongoa ndraiky amy Esao?