Faatomuaga o le Vaega 3
I tausaga mulimuli ane ina ua mavae le Lolo, e toʻaitiiti i latou o loo taʻua i le Tusi Paia na auauna iā Ieova. O se tasi o i latou o Aperaamo o lē na taʻua o le uō a Ieova. Aiseā na taʻua ai o ia o le uō a Ieova? Pe afai o oe o se matua, ia fesoasoani i lau tama ina ia iloa o loo manatu mamafa mai Ieova iā te ia, ma e finagalo e fesoasoani iā te ia. E pei o Aperaamo ma isi tane faamaoni e pei o Lota ma Iakopo, e mafai ona tatou saʻoloto e talosaga atu iā Ieova mo lana fesoasoani. E tatou te mautinoa e faataunuu e Ieova so o se folafolaga na te faia.
I LENEI VAEGA
LESONA 7
Le ʻOlo o Papelu
Na filifili nisi tagata e fausia se aai ma se ʻolo e oo i le lagi lona maualuga. Aiseā na faafuaseʻi ai ona faapogaia e le Atua i latou e tautatala i gagana eseese?
LESONA 8
Sa Usiusitaʻi Aperaamo ma Sara i le Atua
Aiseā na tuua ai e Aperaamo ma Sara o la olaga i le aai, ina ia nonofo o ni tagata e aumau solo i le nuu o Kanana?
LESONA 9
Ua Iʻu Ina Maua se La Tama
O le a faapefea ona faataunuu e le Atua lana folafolaga iā Aperaamo? O lē fea atalii o Aperaamo o le a faataunuu ai, o Isaako po o Isamaeli?
LESONA 10
Ia Manatua le Avā a Lota
Na faatotō ifo e le Atua le teiō ma le afi i Sotoma ma Komoro. Aiseā na faaumatia ai na aai? Aiseā e tatau ai ona tatou manatua le avā a Lota?
LESONA 11
Se Tofotofoga o le Faatuatua
Na faapea atu le Atua iā Aperaamo: ‘Faamolemole ave lou atalii e toʻatasi, ma faaaogā o ia e ofo atu ai se taulaga i luga o se mauga i le nuu o Moria.’ O le a faapefea ona fesagaʻia e Aperaamo lenei tofotofoga o le faatuatua?
LESONA 12
Na Maua e Iakopo le Tofi
Na iai se masaga tama a Isaako ma Repeka. Talu ai na muamua fanau Esau, o ia la o le a mauaina se tofi tāua. Ae aiseā na ia lafoaʻi ai lenā tofi mo se ipu meaʻai o le sitiū mūmū?
LESONA 13
Na Toe Faalelei Iakopo ma Esau
Na faapefea ona maua e Iakopo le faamanuiaga mai i se agelu? Na faapefea ona ia toe faalelei ma Esau?
