Biginwortu fu pisi 3
Bijbel e taki fu wan tu sma nomo di ben e dini Yehovah na ini den yari baka a Frudu. Abraham ben de wan fu den sma disi. Bijbel e kari en Yehovah mati. Fu san ede Bijbel e kari en Yehovah mati? Efu yu na wan papa noso mama, dan yepi yu pikin fu frustan taki Yehovah lobi en èn taki a wani yepi en. Neleki Abraham nanga tra man di ben e dini Yehovah, soleki Lot nanga Yakob, wi no abi fu frede fu aksi Yehovah fu yepi wi. Wi kan de seiker taki Yehovah o du ala san a pramisi.
NA INI A PISI DISI
LES 7
A toren fu Babel
Son sma ben bosroiti fu bow wan foto nanga wan toren di hei go te na hemel. Fu san ede Gado meki den bigin taki ala sortu tongo wantronso?
LES 8
Abraham nanga Sara e du san Gado taki
Fu san ede Abraham nanga Sara gowe libi a foto pe den ben e tan fu go libi na ini Kanan pe den ben o abi fu froisi ibri leisi baka?
LES 9
Den kisi wan manpikin
Fa Gado ben o du san a pramisi Abraham? Sortuwan fu den manpikin fu Abraham a ben o gebroiki? Isak noso Ismael?
LES 10
Memre a frow fu Lot
Gado meki faya nanga ston di ben e bron, fadon kon na tapu Sodom nanga Gomora. Fu san ede den foto disi kisi pori? Fu san ede wi musu memre a frow fu Lot?
LES 11
Gado ben wani si efu a abi bribi trutru
Gado taigi Abraham: ’Grantangi, teki yu wan-enkri manpikin èn gi en leki wan ofrandi na tapu wan bergi na ini a kondre Moria.’ Fa Abraham ben o sori taki a abi bribi trutru?
LES 12
Yakob kisi a famirigudu
Isak nanga Rebeka ben abi tu boi di ben de twelengi, Esau nanga Yakob. Fu di na Esau fosi gebore, meki a ben o kisi wan spesrutu gudu. Fu san ede a seri a gudu disi gi wan preti nyanyan?
LES 13
Yakob nanga Esau e lusu a trobi di den ben abi
Fa a du kon taki Yakob kisi blesi fu wan engel? Fa a lusu a trobi di a ben abi nanga Esau?
