Rí nagi̱ʼdu̱u̱ náa sección 3
Náa Biblia naʼthí ga̱jma̱a̱ numún nguéjmi̱i̱n xa̱bu̱ bi̱ nini ñajuunʼ Dios nda̱wa̱á rí nixnúu Ruʼwa mbiiʼ. Mbáa dí ikhaa nindxu̱u̱ Abrahán, bi̱ nijmaʼniiʼ xóo bi̱ nimbáxu̱u̱ ga̱jma̱a̱ Jeobá. Majmañulúʼ náa numuu dí xúʼko̱ nigumbiʼyuu. Á mu ikháánʼ xtaʼdiin e̱ji̱n, atambáñun mbuyáá rí Jeobá naxmiéjunʼ kaʼñúún ga̱jma̱a̱ nandoo mambáñún. Xó má Abrahán, Lot ga̱jma̱a̱ Jacob, ma̱ndoo munda̱ʼa̱a̱ Jeobá dí mambáyulúʼ, numuu rí nduʼyáá dí ikhaa maʼnimbánuu xúgíʼ dí nikudaminaʼ.
EN ESTA SECCIÓN
KÍXNUU 7
Torre ndrígóo Babel
Xa̱bu̱ nindúún muni mbá xuajen ga̱jma̱a̱ mbá torre rí martumuu asndu mekhuíí. Náa numuu Jeobá niʼni rí xa̱bu̱ muthi mixtiʼkhu ajngáa rá.
KÍXNUU 8
Abrahán ga̱jma̱a̱ Sara nunimbu̱u̱n kuyáá Dios
Náa numuu rí Abrahán ga̱jma̱a̱ Sara niniñaaʼ rí xó kuwa náa xuajñunʼ mú magún náa imbo̱ʼ ridoo ku̱ba̱ʼ ndrígóo Canaán xá.
KÍXNUU 9
¡Naguáʼdaa mbáa ada̱!
Xú káʼnii gáʼnimbánuu Jeobá rí nikudaminaʼ náa Abrahán rá. Náa Isaac o náa Ismael dxe̱ʼ.
KÍXNUU 10
Garmáʼáan a̱jkia̱nʼ rí nigíʼnuu a̱ʼgiu̱u̱ Lot
Dios niʼni rí maxnúu ruʼwa rí gíʼdoo aguʼ ga̱jma̱a̱ azufre náa Sodoma ga̱jma̱a̱ Gomorra. Náa numuu rí niʼni gámbóo xuajen rúʼko̱ xá. Náa numuu rí gíʼmaa marmáʼáan a̱jkiu̱lú eʼni a̱ʼgiu̱u̱ Lot rá.
KÍXNUU 11
Nasngájma fe ndrígóo
Dios na̱ndo̱ʼo̱o̱ Abrahán: “Mbá péñu, araxnáa a̱ʼdiáaʼ xóo tsigijñaʼ náa kúbá Moria”. Xú káʼnii gasngájma Abrahán rí gíʼdoo fe rá.
KÍXNUU 12
Jacob nakhánaa herencia
Isaac ga̱jma̱a̱ Rebeca niguáʼdiin e̱jñún bi̱ gemelos, Esaú ga̱jma̱a̱ Jacob. Numuu rí Esaú nixtáa ginii, kaʼyoo magruigú mbá herencia dí phú kiejunʼ. Náa numuu rí niriʼkhu ga̱jma̱a̱ mbá xúbá ganitsu xá.
KÍXNUU 13
Jacob ga̱jma̱a̱ Esaú nambáxi̱i̱n
Ndiéjunʼ niʼni Jacob mu ángel maʼni tsajkurámaaʼ xá. Xú káʼnii nimbáxiiʼ ga̱jma̱a̱ Esaú xáʼ.
