Introdusaun ba Parte 3
Depois Rai-Nabeen liu tiha, ba tinan barak iha ema uitoan deʼit mak adora Jeová. Ema ida mak Abraão, neʼebé Bíblia temi nuʼudar Jeová nia belun. Tanbasá Bíblia temi Abraão nuʼudar Jeová nia belun? Se Ita iha oan, ajuda sira atu hatene katak Jeová iha interese no hakarak ajuda sira ida-idak. Hanesan Abraão no fiar-naʼin sira seluk, porezemplu Lot no Jacob, ita mós bele husu Jeová nia ajuda iha tempu naran deʼit. Ita bele fiar duni katak Jeová sei kumpre ninia promesa hotu.
IHA PARTE NE’E
ISTÓRIA 7
Uma aas Babel
Povu balu deside atu harii uma aas ida neʼebé ninia tutun toʼo lalehan. Tanbasá Jeová halo sira koʼalia ba malu ho língua neʼebé la hanesan?
ISTÓRIA 8
Abraão no Sara halo tuir Maromak
Tanbasá mak Abraão no Sara husik sidade Ur no moris nuʼudar ema laʼo-rai iha Kanaan?
ISTÓRIA 9
Ikusmai iha oan!
Oinsá mak Maromak kumpre ninia promesa ba Abraão? Promesa neʼe kumpre liuhusi Abraão nia oan-mane ida-neʼebé, Isaac ka Ismael?
ISTÓRIA 10
Hanoin-hetan Lot nia feen
Jeová hatún ahi no enxofre hanesan udan ba Sodoma no Gomorra. Tanbasá Maromak halakon sidade rua neʼe? Tanbasá mak ita tenke hanoin-hetan Lot nia feen?
ISTÓRIA 11
Abraão nia fiar hetan koko
Maromak dehan ba Abraão: ‘Favór, lori ó-nia oan-mane mesak ba foho iha rai-Moria no hasaʼe nia nuʼudar sakrifísiu mai haʼu.’ Oinsá mak Abraão hatudu ninia fiar?
ISTÓRIA 12
Jacob hetan liman-rohan
Isaac no Rebeca iha oan-mane kaduak naran Esaú no Jacob. Tanba Esaú mak oan primeiru, nia iha direitu atu simu liman-rohan espesiál. Tanbasá mak nia troka ida-neʼe ho deʼit koto bikan ida?
ISTÓRIA 13
Jacob no Esaú hadame malu
Tanbasá mak Jacob luta hasoru anju ida no hetan bensaun? Oinsá mak Jacob hadame malu ho Esaú?