Mbɔtwɛlɔ ka Etenyi 3
L’ɛnɔnyi wakayele Mvula k’elola, Bible shilaka nkombo y’anto yema tshitshɛ tsho wakakambɛka Jehowa. L’atei wa wanɛ wakokambɛka mbaki Abrahama, lakeyamaka oko ɔngɛnyi wa Jehowa. Lande na kakandelamɛka ɔngɛnyi wa Jehowa? Naka wɛ ekɔ ombutshi kimanyiya ɔnayɛ dia nde mɛna dia Jehowa ndjashaka le nde lo yoho ya laande ndo nde nangaka mbokimanyiya. L’ɛnyɛlɔ ka Abrahama ndo k’apami akina waki la kɔlamelo, oko Lɔta ndo Jakɔbɔ, sho kokaka nɔmba Jehowa ekimanyielo kande aha l’okakatanu. Sho koka monga l’eshikikelo dia Jehowa ayokotsha daka tshɛ diakandalake.
LO ETENYI KƐNƐ
Tshoto ya Babɛlɛ
Anto amɔtshi wakɔshi yɛdikɔ ya mbika osomba ndo tshoto yele shɔdi yayɔ yayokoma polo l’olongo. Lande na kakasale Nzambi dia vɔ ntɛkɛta ɛtɛkɛta wotshikitanyi la shashimoya?
Abrahama nde la Sara wakakitanyiya Nzambi
Lande na kakatshike Abrahama nde la Sara lɔsɛnɔ laki lawɔ l’osomba wa Ura dia tɔsɛna oko tekekɔ lo wodja wa Kanana?
Wakayota ɔna!
Ngande wakakotsha Nzambi daka diakandalake Abrahama? Ɔna akɔna laki Abrahama lakendanaka la daka sɔ, onde Isaka kana Ishimaɛlɛ?
Tohɔ wadi aki Lɔta
Nzambi ambɔlɔsha mvula ka dja ndo ka mbɔkɔ la Sɔdɔma la Ngɔmɔra. Lande na kakalanyema esomba ɛsɔ? Lande na kahombaso mbohɔka wadi aki Lɔta?
Ohemba wa mbetawɔ
Nzambi akatɛ Abrahama ate: ‘Lam’alangayɛ, ɔsa tshɔi y’ɔnayɛ kele onambolende oko olambo wa lotshumba lo dikona dimɔtshi dia lo Mɔriya.’ Ngande wakahombe Abrahama ndɔshana l’ohemba wa mbetawɔ ɔsɔ?
Jakɔbɔ ambokondja etenyi k’okitɔ
Isaka nde la Rɛbɛka waki la ana a waasa w’apami Esao ndo Jakɔbɔ. Lam’ele Esao mbakotɔ ntondo, nde mbakahombe nongola etenyi k’okitɔ ka laande. Lande na kakandakishishɛ l’ɔtɛ wa dɔnga di’osawo?
Jakɔbɔ la Esao wambodja wɔladi
Ngande wakalongola Jakɔbɔ ɔtshɔkɔ oma le ondjelo? Ndo ngande wakandadje wɔladi lam’asande la Esao?
