Mazgu Ghakwamba gha Chigaŵa 3
Baibolo likuzunura ŵanthu ŵachoko waka awo ŵakateŵeteranga Yehova, Chigumula chikati chajumpha. Pa ŵanthu aŵa pakaŵa Abrahamu, uyo wakamanyikwanga kuŵa mubwezi wa Yehova. Chifukwa wuli wakachemekanga mubwezi wa Yehova? Usange ndimwe mupapi, movwirani mwana winu kumanya kuti Yehova wakumutemwa ndipo wakukhumba kumovwira. Nga umo vikaŵira na Abraham kweniso ŵanthu ŵanyake ŵakugomezgeka nga ni Loti na Yakhobe, nase tingapempha Yehova kuti watovwire. Tikugomezga kuti Yehova wafiskenge layizgo lililose ilo wachita.
MU CHIGAŴA ICHI
Chigongwe cha Babeli
Ŵanthu ŵanyake ŵakaghanaghana kuti ŵazenge msumba ndipo chigongwe chake chikafike kuchanya. Chifukwa wuli Chiuta wakaŵachitiska kuyowoya viyowoyero vyakupambana?
Abrahamu na Sara Ŵakapulikira Chiuta
Chifukwa wuli Abrahamu na Sara ŵakaleka umoyo uwemi mu Uri na kwamba kuyingayinga mu charu cha Kenani?
Mwana Wakababika!
Kasi Chiuta wakafiska wuli layizgo lake kwa Abrahamu? Ni mwana nju uyo wakalayizgika—Yisake panji Ishimayeli?
Kumbukani Muwoli wa Loti
Chiuta wakalokweska moto na sulefure pa Sodomu na Gomora. Chifukwa wuli matawuni agha ghakawotcheka? Chifukwa wuli tikwenera kukumbuka muwoli wa Loti?
Wakayezgeka Usange Wakutemwa Yehova
Chiuta wakaphalira Abrahamu kuti: ‘Tora mwana wako yumoza pera, ndipo ukamupeleke sembe pa phiri ku Moriya.’ Kasi Abrahamu wakachita wuli na chiyezgo ichi?
Yakhobe Wakapokera Chiharo
Yisake na Rabeka ŵakaŵa na ŵana ŵamileza (maphaska). Pakuti Esau wakamba kubabika, ndiyo wakeneranga kupokera chiharo chapadera. Chifukwa wuli wakachitaya chifukwa cha mbale ya mphoza?
Yakhobe na Esau Ŵakaŵaso Pamtende
Kasi Yakhobe wakachita vichi kuti mungelo wamutumbike? Kasi wakachita wuli kuti waŵeso pamtende na Esau?