Olondaka Vioku Fetika Onepa 3
Vanyamo a kuamamo noke Lietande, Embimbiliya li tukula etendelo litito liomanu va vumba Yehova. Umue pokati komanu vaco, Avirahama, una weya oku kũlĩhĩwa okuti ekamba lia Yehova. Momo lie a tukuiwila hati ekamba lia Yehova? Nda ove unjali, kuatisa omõlove oku limbuka okuti Yehova wo kapako kuenda o yongola oku u kuatisa. Ndomo Avirahama kuenda omanu vakuavo vakuekolelo va linga ndeci Lote la Yakoba, etu tu pondolavo oku pinga ku Yehova ekuatiso liaye. Etu tu pondola oku kolela okuti Yehova o ka tẽlisa olohuminyo viosi a linga.
VONEPA EYI
Osapalalo yo Bavele
Omanu vamue va ñolapo oku tunga olupale lumue kuenda osapalalo yimue okuti utunga wayo u pitĩla kilu. Momo lie Suku vocipikipiki a kokela okuti ovo va vangula alimi a litepa?
Avirahama la Sara va Pokola ku Suku
Momo lie Avirahama la Sara va silapo omuenyo wavo uwa oco va kale ndovingendelẽyi vofeka yo Kanana?
Omõla Umue wa Lavokawa!
Suku wa laikele oku tẽlisa ndati ohuminyo yaye a lingile ku Avirahama? Helie pokati komãla va Avirahama okuti wa laikele oku kongeliwa vohuminyo yaco? Isake ale Isameli?
Ivaluki Ukãi wa Lote
Suku wa lokisa ombela yofuafuo kuenda ondalu vo Sodoma kuenda vo Gomora. Momo lie alupale aco a nyõliwila? Momo lie tu sukilila oku ivaluka ukãi wa Lote?
Oseteko Yekolelo
Suku wa sapuila Avirahama hati: ‘Ambata omõlove wongunga u weca ndocilumba komunda yimue kofeka yo Moriya.’ Avirahama wa ponduile oku yula ndati oseteko yaco yekolelo?
Yakoba o Tambula Ocipiñalo
Isake la Rebeka va kuete omãla volonjamba va tukuiwa hati, Esau kuenda Yakoba. Omo okuti, Esau wa citiwa tete eye wa ponduile oku tambula ocipiñalo cimue ci likasi. Momo lie a sepuila unuñulu waye omo lietiyela limosi liakunde?
Yakoba Kuenda Esau va Lisunguluisa
Yakoba wa tambula ndati esumũlũho liungelo umue?
