Marangaphanḓa A Tshipiḓa 3
Musi ho no fhela miṅwaha nga murahu ha Maḓi Mahulu, Bivhili i ri vhudza nga ha vhathu vha si gathi vhe vha shumela Yehova. Muṅwe wa vhe vha mu shumela ndi Abrahamu, we a ḓivhiwa sa khonani ya Yehova. Ndi ngani o vhidzwa khonani ya Yehova? Arali ni mubebi, thusani ṅwana waṋu u vhona uri Yehova u na dzangalelo khae nga ho livhaho nahone u ṱoḓa u mu thusa. U fana na Abrahamu na vhaṅwe vhanna vha fulufhedzeaho, vha ngaho Loto na Yakobo, ri nga humbela thuso kha Yehova ro vhofholowa. Ri nga vha na vhungoho ha uri Yehova u ḓo ḓadzisa mafulufhedziso oṱhe e a a ita.
KHA HETSHI TSHIPIḒA
NGUDO 7
Mutsheṱo Wa Babele
Vhaṅwe vhathu vho dzhia phetho ya u fhaṱa muḓi na mutsheṱo mulapfu une ṱhodzi yawo ya guma makoleni. Ndi ngani Mudzimu o mbo ḓi ita uri vha ambe nga nyambo dzo fhamba-fhambanaho?
NGUDO 8
Abrahamu Na Sara Vho Thetshelesa Mudzimu
Ndi ngani Abrahamu na Sara vho ṱutshela haya havho shangoni ḽa Uri vha ya u tshila sa vhatsinda shangoni ḽa Kanana?
NGUDO 9
Vho Wana Ṅwana Wa Mutukana!
Mudzimu o vha a tshi ḓo ḓadzisa hani zwe a fulufhedzisa Abrahamu? Ḽeneḽo fulufhedziso ḽo vha ḽi tshi ḓo ḓadzea kha murwa ufhio wa Abrahamu—Isaka kana Isimaele?
NGUDO 10
Humbulani Mufumakadzi Wa Loto
Mudzimu o nisela muḓi wa Sodoma na Gomora mulilo na tsevhela. Ndi ngani yeneyo miḓi yo fheliswa? Ndi ngani ri tshi fanela u humbula mufumakadzi wa Loto?
NGUDO 11
U Lingwa Lutendo
Mudzimu o vhudza Abrahamu a ri: ‘Nga khumbelo, dzhiani murwa waṋu muthihi fhedzi nahone ni mu ite tshiṱhavhelo ngei thavhani ya Moriya.’ Abrahamu o vha a tshi ḓo sedzana hani na honohu u lingwa lutendo?
NGUDO 12
Yakobo O Wana Ifa
Isaka na Rebeka vho vha vhe na vharwa vha mafhaṱa, Esau na Yakobo. Ngauri Esau o vha e tanzhe, o vha a tshi ḓo wana ifa ḽo khetheaho. Ndi ngani o ḽi rengisa nga ndilo ya tshidzimba?
NGUDO 13
Yakobo Na Esau Vha A Farelana
Yakobo o wana hani phaṱhutshedzo kha muruṅwa? Nahone o farelana hani na Esau?