Introduksyon ha Seksyon 3
Paglabay han katuigan katapos han Baha, gutiay la an gin-unabi ha Biblia nga nag-alagad kan Jehova. Upod ha ira hi Abraham, nga kilala nga sangkay ni Jehova. Kay ano nga gintawag hiya nga sangkay ni Jehova? Kon usa ka nga kag-anak, buligi an imo anak nga masabtan nga interesado hi Jehova ha iya ngan karuyag hiya buligan. Pariho kan Abraham ngan ha iba pa nga matinumanon nga kalalakin-an, sugad kanda Lot ngan Jacob, makakaaro gud kita kan Jehova hin bulig. Makakasarig kita nga tutumanon ni Jehova an tagsa niya nga saad.
HINI NGA SEKSYON
LEKSYON 7
An Torre han Babel
Karuyag han pipira nga tawo nga magtukod hin syudad ngan hin torre nga an kahitaas abot ha langit. Kay ano nga tigda la gin-iba-iba han Dios an ira yinaknan?
LEKSYON 8
Sumugot ha Dios Hira Abraham Ngan Sarah
Kay ano nga ginbayaan nira Abraham ngan Sarah an ira pagkinabuhi ha syudad ngan nagburobalhin pag-ukoy ha Canaan?
LEKSYON 9
Nagkaanak Gihap Hira!
Paonan-o tutumanon han Dios an iya saad kan Abraham? Kan kanay matutuman ito nga saad—kan Isaac o kan Ismael?
LEKSYON 10
Hinumdumi an Asawa ni Lot
Nagpauran an Dios hin kalayo ngan asupre ha Sodoma ngan Gomorra. Kay ano nga ginbungkag ito nga mga syudad? Kay ano nga sadang naton hinumdoman an asawa ni Lot?
LEKSYON 11
Usa nga Pagsari ha Pagtoo
An Dios nagsiring kan Abraham: ‘Alayon dad-an an imo bugtong nga anak ngan ihalad hiya ha usa nga bukid ha Moria.’ Paonan-o aatubangon ni Abraham ini nga pagsari ha iya pagtoo?
LEKSYON 12
Nakuha ni Jacob an Panurundon
Hira Isaac ngan Rebeca may kambal nga anak, hira Esau ngan Jacob. Tungod kay hi Esau an magurang, may-ada hiya espesyal nga panurundon. Kay ano nga iginbalyo niya ito hin usa la ka yahong nga utan?
LEKSYON 13
Naibalik an Maopay nga Relasyon Nira Jacob Ngan Esau
Paonan-o nakakarawat hi Jacob hin bendisyon tikang ha usa nga anghel? Ngan paonan-o hiya nakigmurayaw kan Esau?