Fampidiran̈a Fizaran̈a 3
Olo vitsy fo nanompo Jehovah, tafarany Safodrano. An̈isanizen̈y Abrahama. Izy kamaradiny Jehovah. Nan̈ino ma izy kahian̈a kamaradiny Jehovah? Izikoa anao mananjanaka, ataova hainy fa ten̈a tia izy Jehovah, ndreky tihan̈ampy izy. Atsika mety mangataka Jehovah han̈ampy atsika, karaha Abrahama ndreky panompony Jehovah hafa natoky taloha tan̈y, ohatra, Lota ndreky Jakoba. Mety matoky koa atsika fa Jehovah han̈atanteraka raha jiaby nampan̈antinainy.
AMY FIZARAN̈A TY
Tilikambony Babela
Olo niasa tanàna ndreky tran̈o matakatra lan̈itry. Nan̈ino nataony Jehovah tsy nifankahazo tampoko volan̈andro?
Abrahama Ndreky Saraha Nan̈araka Volan̈a Zan̈ahary
Nan̈ino Abrahama ndreky Saraha niala tamy tanànandro ke nandeha ta Kanana, kanefa nifindrafindra iro tan̈y?
Niteraka iro Tamy Farany!
Akory eky nataony Zan̈ahary nan̈atanteraka volan̈anany taminy Abrahama? Baka amy zanakanany azovy haviany zen̈y, Isaka sa Ismaela?
Tsarova Vadiny Lota
Zan̈ahary nandatsaka motro ndreky solifara mira mahalen̈y ta Sodoma ndreky Gomora. Nan̈ino tanàna aby io ravan̈a? Nan̈ino atsika mila mahatsiaro vadiny Lota?
Nanan̈a Finoan̈a Ankitin̈y Abrahama
Zan̈ahary nivolan̈a taminy Abrahama: ‘Indesa azafady, zanakanao araiky tokana io, ke ataova soron̈o amy bongo a Moria an̈y.’ Asa mba nanan̈a finoan̈a edy Abrahama?
Nahazo Lova Jakoba
Niteraka amban̈a Isaka ndreky Rebeka, Jakoba ndreky Esao an̈arandro tsaiky aby io. Esao talan̈olo, ke izy tokony ho nahazo lova manokan̈a. Nan̈ino raha zen̈y natakalony lantihy kapila araiky?
Nihavan̈a Jakoba Ndreky Esao
Karakory nataony Jakoba nahazo tsodrano taminy anjely? Baka io karakory nataony nihavan̈a ndraiky taminy Esao?
