Maloŵe Gandanda ga Mbali 3
Baibulo jikusasala mena ga ŵandu ŵamnono ŵaŵamtumicilaga Yehofa cigumula ca mesi cili cimasile. Jumo mwa ŵandu ŵeleŵa jwaliji Abulahamu, juŵakolanjidwaga kuti mjakwe jwa Yehofa. Ana ligongo cici ŵakolanjidwaga kuti mjakwe jwa Yehofa? Naga wawojo ali nangolo amkamucisye mwanace jwawo kulola kuti Yehofa akusatenda lung’wanu ni jwalakwejo soni akusasaka kumkamucisya. Mwakulandana ni Abulahamu ni acalume ŵane ŵakulupicika, mpela Loti ni Yakobo mpaka tuŵe ŵagopoka kum’ŵenda Yehofa kuti atukamucisye. Tuciŵa ŵakusimicisya kuti Yehofa cacikwanilisya yilanga yakwe yosope.
MU MBALI AJI
Sanja ja Babele
Ŵandu ŵane ŵaganisisye yakutaŵa msinda soni sanja jelewu jakuti jikagunde kwinani. Ligongo cici Mlungu ŵatendekasisye ŵanduwo kutanda kuŵeceta yiŵeceto yakulekanganalekangana?
Abulahamu ni Sala Ŵapikanilaga Mlungu
Ligongo cici Abulahamu ni Sala ŵasamile mu msinda mula ni kwawula ku Kanani?
Ŵaŵelece Mwanace Ali Acekulwipe!
Ana Mlungu ŵakwanilisye catuli cilanga cakwe kwa Abulahamu? Ana cilangaci cakwanilicikwe kupitila mwanace jwapi jwa Abulahamu—Isaki kapena Isumayeli?
Akumbucileje Ŵamkwakwe Loti
Mlungu jwagwicisye moto soni sulufule pa misinda ja Sodomu ni Gomola. Ligongo cici Mlungu ŵajonasile misindaji? Ligongo cici tukusosekwa kwakumbucila ŵamkwakwe Loti?
Kulinjidwa Cikulupi
Mlungu ŵamsalile Abulahamu kuti, ‘Mjigale mwanace jwenu jumopejo ni kampelece mbopesi ku litumbi lya Moliya.’ Ana Abulahamu ŵatesile wuli ni kulinjidwa cikulupiku?
Yakobo Jwapocele Cipanje
Isaki ni Labeka ŵakwete ŵanace ŵamaŵila, mena gawo galiji Esawu ni Yakobo. Ligongo lyakuti Esawu jwaliji jwandanda kupagwa, jwasosekwaga kupocela cipanje. Ligongo cici jwacengenye ni mbale ja ngunde?
Yakobo ni Esawu Ŵatamilikasiye Mtendele Pasikati Pawo
Ana Yakobo ŵatesile uli kuti apocele majali kutyocela kwa lilayika? Ana jwalakwe ŵatesile yatuli kuti atamilikasye mtendele ni Esawu?
