Kata Pengantar tu Bagian 4
Di bagian on dipaboa ma taringot si Josep, si Job, si Musa dohot halak Israel. Susa do nasida dibahen Sibolis. Adong do na manaon na hansit alani angka halak na jahat, adong na dipenjarahon, adong ma na gabe hatoban jala adong na marsak ala mate keluargana. Alai dijaga Jahowa do nasida. Hamu angka natua-tua, paboa ma tu gellengmuna, sai porsea do angka naposo ni Jahowa i tu ibana nang pe susa.
Dibahen Jahowa do Sampulu Tulah laho patuduhon na umgogo do ibana sian sude debata ni halak Mesir. Paboa ma tu gellengmuna songon dia Jahowa manjaga naposona najolo jala songon dia Jahowa manjaga naposona saonari.
DI BAGIAN ON
PARSIAJARAN 15
Ndang Lupa Jahowa tu Si Josep
Nang pe dao si Josep sian keluargana, sai didongani Debata do ibana.
PARSIAJARAN 17
Dipillit Si Musa do Manomba Jahowa
Ala marbisuk omak ni si Musa, boi ma si Musa malua.
PARSIAJARAN 19
Tolu Tulah na Parjolo
Gabe ro ma tulah tu halak Mesir alana ndang olo si Firaun mangoloi hata ni Jahowa.
PARSIAJARAN 20
Onom Tulah na Mangihut
Aha do beda ni tolu tulah na parjolo dohot onom tulah na parpudi?
PARSIAJARAN 21
Tulah na Pasampuluhon
Mansai ngeri do tulah na pasampuluhon i. Alani i, diloas si Firaun ma lao bangso Israel.
PARSIAJARAN 22
Mukjizat di Laut Rara
Nunga dibahen Debata sampulu tulah tu si Firaun, alai ndang jora ibana. Jora do ibana dung dibahen Debata mukjizat di Laut Rara i?
