Introduksiyon sa Seksiyon 4
Sa seksiyon na ini, maaaraman ta an manungod ki Jose, Job, Moises, asin sa mga Israelita. Sinda nagtagal nin grabeng kasakitan dahil sa mga ginibo kan Diyablo. An iba nakaeksperyensiya nin inhustisya, pagkapreso, pagkauripon, asin biglang pagkagadan nin mga mahal sa buhay. Pero prinoteksiyunan sinda ni Jehova sa iba-ibang paagi. Kun saro kang magurang, tabangan an aki mo na maintindihan kun paano nagibo kan mga lingkod na idto ni Jehova na dai mawaran nin pagtubod dawa nag-agi sinda nin mga kasakitan.
Ginamit ni Jehova an Sampulong Damat para ipahiling na mas makapangyarihan siya kisa sa gabos na diyos kan Ehipto. Iduon kun paano prinotektaran ni Jehova an saiyang mga lingkod kaidto asin kun paano niya iyan ginigibo ngunyan.
SA SEKSIYON NA INI
LEKSIYON 14
Sarong Uripon na Nagsunod sa Diyos
Ginibo ni Jose kun ano an tama, pero nagdusa pa man giraray siya nin grabe. Taano?
LEKSIYON 15
Dai Pinabayaan ni Jehova si Jose
Dawa ngani harayo si Jose sa pamilya niya, pinatunayan nin Diyos na dai niya ini papabayaan.
LEKSIYON 17
Pinili ni Moises na Sumamba ki Jehova
Kan umboy pa si Moises, naligtas siya dahil sa mahusay na paaging ginibo kan saiyang ina.
LEKSIYON 19
An Inot na Tulong Damat
Dahil mahambugon si Faraon, dai niya sinunod an sarong simpleng pagbuot. Kaya grabeng kapahamakan an inagihan kan mga kahimanwa niya.
LEKSIYON 20
An Sunod na Anom na Damat
Ano an pagkakaiba kan mga damat na ini duman sa nainot na tulong damat?
LEKSIYON 21
An Ikasampulong Damat
Kapahapahamak an resulta kan damat na ini kaya dawa an mahambog na si Faraon suminuko na.
LEKSIYON 22
An Milagro sa Dagat na Pula
Natagalan ni Faraon an sampulong damat, pero nakaligtas daw siya sa milagrong ini nin Diyos?