Amashiwi ya Kutendekelako mu Cipande Calenga 4
Muli cino cipande twalasambilila pali Yosefe, Yobo, Mose e lyo na pa bena Israele. Aba bonse balishipikishe amafya ayalefuma kuli Satana Kaseebanya. Bamo pali aba balibafyengele, balibakakile mu cifungo, baali abasha kabili balibepeye. Na lyo line Yehova alibacingilile mu nshila ishingi. Nga muli bafyashi afweni umwena wenu ukwishiba ifyo aba ababomfi ba kwa Yehova bacitile pa kuti batwalilile ukuba ne citetekelo nangu ca kuti balecula.
Yehova abomfeshe Ifinkunka 10 pa kulanga ukuti wa maka nga nshi ukucila balesa bonse abaali mu Egupti. Landeni ifyo Yehova alecingilila abantu bakwe kale ne fyo acingilila abantu bakwe muno nshiku.
MULI ICI CIPANDE
Umusha Uwaumfwilile Lesa
Yosefe talufyenye lelo aliculile sana. Cinshi?
Yehova Alitwalilile Ukupaala Yosefe
Nangu ca kuti Yosefe ali ukutali na balupwa wakwe, Lesa alitwalilile ukumupaala.
Bushe Yobo ali Nani?
aleumfwila Yehova na lintu ifintu fyayafishe.
Mose Asalilepo Ukulapepa Yehova
Ilyo Mose ali akanya, ifyo banyina bacitile e fyalengele ukuti bemwipaya.
Icimpusa Icalebilima
Mulandu nshi icimpusa cishapiliile?
Ifinkunka Fitatu Ifya Kubalilapo
Farao aliletelele abantu bakwe pantu talefwaya ukucita ifyo Yehova alemweba.
Ifinkunka na Fimbi 6
Bushe ifi finkunka fyapuseneko shani ku fyabalilepo fitatu?
Icinkunka Calenga 10
Ici icinkunka calibipile sana ica kuti calilengele na Farao uwali ne cilumba aleka abena Israele baye.
Icipesha Amano Icacitike Pali Bemba wa Kashika
Farao alipuswike ifinkanka 10 lelo tapuswike ilyo Lesa aonawile abashilika abena Egupti?
