Ngabe nyi ja kañete bia nlañe Joseph, Job, Moïse a bone b’Israël. Satan a nga ve’ele be abui, ve be nga yem ne bip. Bôte béziñ ya été be nga ke mimbôk, be nga ke minkôm, be nga tôban ékotekot, bevo’o ke be nga wu. Ve Yéhôva a nga kamane be bese. Nge ô ne mbiaé, volô’ô mone wôé na a wôk aval avé bebo bisaé be Yéhôva bete be nga yem ne bip akusa bo minju’u be nga tôbane mie.

Yéhôva a nga belane bibubua awôm asu ya na, a liti na, ngule jé ja dañe nyi bezambe bevo’o bese. Liti’i nye aval avé Yéhôva a nga kamane bebo bisaé bé melu mvus, a aval a kamane be den.