Lentrodiksyon Seksyon 4
Sa seksyon i koz lo Zozef, Zob, Moiz ek bann Izraelit. Satan ti fer zot soufer en kantite me zot ti andire. I annan ki ti ganny trete dan en fason enzis, vin lesklav, ganny met dan prizon e zot fanmir ti mor. Me Zeova ti protez zot tou dan diferan fason. Si ou en paran, ed ou zanfan konpran ki mannyer sa bann serviter Zeova ti soufer en kantite, me zot pa ti perdi zot lafwa.
Zeova ti servi sa Dis Fleo pour montre ki i pli for ki tou bann bondye Lezip. Met lanfaz lo konman Zeova ti protez son pep dan lepase e konman i fer li la konmela.
DAN SA SEKSYON
LESON 14
En lesklav ki ti obei Bondye
Zozef ti fer sa ki byen me kantmenm sa i ti soufer en kantite. Akoz?
LESON 15
Zeova pa ti oubliy Zozef
Menm si Zozef ti lwen avek son fanmir, Bondye ti montre ki i ti avek li.
LESON 17
Moiz ti swazir pour ador Zeova
Ler i ti ankor en pti baba, Moiz ti ganny sove gras a son manman ki ti fer en bon plan.
LESON 19
Sa trwa premye fleo
Faraon ti anmenn maler lo son pep akoz i ti tro fyer pour fer en keksoz senp.
LESON 21
Sa dizyenm fleo
Sa fleo ti sitan fer dega ki menm Faraon ki ti orgeye ti finalman les zot ale.
LESON 22
En mirak kot Lanmer Rouz
Faraon ti sirviv sa dis fleo, me eski i ti sirviv sa mirak ki Bondye ti fer kot Lanmer Rouz?
