Tilanyɔrɔ 4nan dadonkumaw
Tilanyɔrɔ 4nan nin b’an dɛmɛ ka dɔ lɔn Yusufu, Zɔbu, Musa ani Israɛldenw koo la. U bɛɛ tɔɔrɔla kosɔbɛ Sutana bolo. Tilenbaliyakow kɛra u dɔw la, u ye dɔw don kaso la, u ye dɔw kɛ jɔɔnw ye ani u ye dɔw faga yɛrɛ. Nka, Jehova y’u tanga cogo sifa caaman na. N’i ye bangebaga ye, i deen dɛmɛ a k’a faamu cogo min na o Alamɔgɔw y’o gwɛlɛyaw muɲu nka u ka limaniya ma bɔsi u la.
Jehova ye tɔɔrɔ tan lase Ezipitikaw ma walisa k’a yira ko ale ka sebagaya ka bon ni Ezipitikaw ka alaw bɛɛ ta ye. Jehova y’a ka mɔgɔw tanga cogo min na galen ani a b’o koo kelen kɛ cogo min na bi, o fɔ ka gwɛ.
YƆRƆ NIN NA
KALANSEN 15
Jehova ma ɲinɛ Yusufu kɔ fewu
Hali ni Yusufu yɔrɔ tun ka jan a somɔgɔw la, Ala y’a yira a la ko ale be n’a ye.
KALANSEN 17
Musa y’a latigɛ ka Jehova bato
Musa denɲɛninman kisira a bamuso ka fɛɛrɛ ɲuman barika la.
KALANSEN 19
Tɔɔrɔ fɔlɔ ka taga se 3nan ma
Farahuna ye bɔnɛ lase a ka mɔgɔw ma sabu a tun fanin lo kuncɛbaya la kojugu fɔɔ a banna ka koo dennin dɔ kɛ min tun ɲinina a fɛ.
KALANSEN 20
Tɔɔrɔ 4nan ka taga se 9nan ma
Faranfasi juman be o tɔɔrɔw ni fɔlɔ, filanan ani sabanan cɛ?
KALANSEN 21
Tɔɔrɔ tannan
O tɔɔrɔ juguyara fɔɔ Farahuna ka kuncɛbaya bɛɛ n’a ta, a labanna ka sɔn Jehova ta ma.
KALANSEN 22
Kabako min kɛra Kɔgɔji Wulen daa la
Farahuna kisira tɔɔrɔ tan nunu ma, nka Ala ye kabako min kɛ kɔgɔjida la, yala a kisira o ma wa?