Se Ẹdinemede ke Ikpehe 4
Mbụk Joseph, Job, Moses, ye nditọ Israel ọtọn̄ọ mi. Devil ama anam afanikọn̄ esịm mmọ. Ẹma ẹkpe ukwan̄ikpe ẹnọ ndusụk mmọ, ẹsịn ndusụk ke ufọk-n̄kpọkọbi, ẹnyụn̄ ẹnam ndusụk ẹdi ifịn. Mbon mmọ ẹma ẹkpa ẹkpọn̄ ndusụk mmọ. Edi Jehovah ama ekpeme mmọ ke nsio nsio usụn̄. Edieke enyenede eyen, nam enye okụt nte nti ikọt Abasi emi ẹkesọn̄ọde ẹda ẹnam se inende kpa ye ofụri se iketịbede inọ mmọ.
Ufen Duop emi Jehovah akamiade Egypt okowụt ke Jehovah enyene odudu akan mme abasi Egypt. Wụt eyen fo nte Jehovah ekesikpemede ikọt esie ye nte enye ekpemede mmọ mfịn.
KE IKPEHE EMI
UKPEPN̄KPỌ 14
Ofụn Emi Akabakde Abasi
Kpa ye oro Joseph akanamde eti n̄kpọ, enye okosụk ọbọbọ ufen. Ntak-a?
UKPEPN̄KPỌ 15
Jehovah Ikefreke Joseph
Okposụkedi emi ebiet oro Joseph okodude mîkekpereke ufọk mmọ, Abasi okosụk ododu ye enye.
UKPEPN̄KPỌ 19
Akpa Ufen Ita Emi Ẹkemiade Egypt
Pharaoh anam ikọt esie ẹbọ ufen ke ntak emi enye okohorede idem esịn ndinam ekpri n̄kpọ emi ẹkedọhọde enye anam.
UKPEPN̄KPỌ 21
Ọyọhọ Ufen Duop
Ufen enye emi ama ọsọn̄ ubọk tutu Pharaoh emi akatan̄de idem nte nso enyịme nditọ Israel ẹnyọn̄ọ ndien.
UKPEPN̄KPỌ 22
Utịben̄kpọ ke Ididuot Inyan̄
Pharaoh ama ọbọhọ ufen duop; ndi enye ọyọbọhọ utịben̄kpọ emi Jehovah anamde ke Ididuot Inyan̄?