Fã 4 Hiɛkpamɔ Wiemɔ
Fã nɛɛ kɔɔ Yosef, Hiob, Mose, kɛ Israelbii lɛ ahe. Abonsam hã amɛ fɛɛ amɛna nɔ waa. Akɛ amɛteŋ mɛi komɛi yeee jogbaŋŋ, ni mɛi komɛi hu tsɔmɔ nyɔji. Awo mɔ kome tsuŋ, ni mɔ kome hu suɔlɔi gboi trukaa. Shi Yehowa tsɔ gbɛi srɔtoi anɔ ebu amɛ fɛɛ amɛhe. Kɛ́ fɔlɔ ji bo lɛ, ye obua obi lɛ ni ena akɛ, yɛ naagbai ni Yehowa tsuji nɛɛ kɛkpe lɛ fɛɛ sɛɛ lɛ, amɛhemɔkɛyeli lɛ mli gbɔjɔɔɔ.
Yehowa tsɔ Haomɔi Nyɔŋma lɛ anɔ ehã efee faŋŋ akɛ, eyɛ hewalɛ fe Ejipt nyɔŋmɔi lɛ fɛɛ. Hã obi lɛ ana bɔ ni Yehowa bu ewebii lɛ ahe yɛ blema, kɛ bɔ ni ebuɔ wɔhe ŋmɛnɛ.
YƐ FÃ NƐƐ MLI
NIKASEMƆ 17
Mose Kpɛ Eyiŋ Akɛ Ebaajá Yehowa
Mose mami to ŋaa ko ni ekɛhere Mose yiwala be ni eji abifao lɛ.
NIKASEMƆ 19
Klɛŋklɛŋ Haomɔi Etɛ Lɛ
Farao wo ehe nɔ ni ehãaa Israelbii lɛ aya. No hewɔ lɛ, emaŋbii lɛ na nɔ.
NIKASEMƆ 21
Haomɔ Ni Ji Nyɔŋma Lɛ
Haomɔ nɛɛ naa wa aahu akɛ, Farao henɔwolɔ lɛ ŋmɛɛ Israelbii lɛ ahe agbɛnɛ.
NIKASEMƆ 22
Naakpɛɛ Nii Ba Yɛ Ŋshɔ Tsuru Lɛ Naa
Haomɔi nyɔŋma lɛ ateŋ eko eko egbeee Farao. Shi ani eje naakpɛɛ nii ni Nyɔŋmɔ fee nɛɛ mli sɔkee?