Introduksion sa Seksion 4
Ini nga seksion nagasugid sa aton parte kanday Jose, Job, Moises, kag sa mga Israelinhon. Tanan sila ginhingabot sang Yawa. Ang iban sa ila nakaeksperiensia sang inhustisya, ginpriso, gin-ulipon, kag ginpatay pa gani. Pero ginproteksionan sila ni Jehova sa lainlain nga paagi. Kon isa ikaw ka ginikanan, buligi ang imo bata nga mahangpan kon paano nag-antos ang mga alagad ni Jehova pero wala nadulaan sing pagtuo.
Gingamit ni Jehova ang Napulo ka Kalalat-an para ipakita nga mas gamhanan sia sa tanan nga dios sang Egipto. Ipadaku kon paano ginproteksionan ni Jehova ang iya katawhan sang una kag kon paano niya ina ginahimo subong.
SA SINI NGA SEKSION
LEKSION 15
Wala Gid Malipatan ni Jehova si Jose
Bisan pa malayo si Jose sa iya pamilya, ginpakita sang Dios nga kaupod niya sia.
LEKSION 17
Ginpili ni Moises nga Simbahon si Jehova
Sang lapsag si Moises, naluwas sia bangod sa maalamon nga ginhimo sang iya nanay.
LEKSION 19
Ang Una nga Tatlo ka Kalalat-an
Bangod nangin bugalon ang Paraon kag indi niya paghimuon ang isa ka simple nga butang, malain ang natabo sa iya katawhan.
LEKSION 21
Ang Ikanapulo nga Kalalat-an
Grabe gid ini nga kalalat-an amo nga bisan ang bugalon nga Paraon nagpasugot na gid man.
LEKSION 22
Ang Milagro sa Pula nga Dagat
Wala maano ang Paraon sa napulo ka kalalat-an, pero nakapalagyo bala sia sa sini nga milagro sang Dios?
