Introduksion iti Seksion 4
Iyam-ammo daytoy a seksion da Jose, Job, Moises, ken dagiti Israelita. Pinarigat ida ti Diablo. Dadduma kadakuada ti nakapadas iti kinaawan hustisia, naibalud, naadipen, ken natayan iti ipatpateg iti biag. Ngem prinotektaran ida ni Jehova iti nadumaduma a pamay-an. No maysaka a nagannak, tulongam ti anakmo tapno maawatanna no kasano a nagtalinaed a nabileg ti pammati dagita nga adipen ni Jehova uray naipasangoda iti rigat.
Inusar ni Jehova ti Sangapulo a Didigra tapno ipakitana a nabilbileg ngem iti amin a dios ti Egipto. Iyunay-unaymo no kasano a prinotektaran ni Jehova dagiti adipenna idi ken no kasanona a protprotektaran dagiti adipenna ita.
ITI DAYTOY A SEKSION
LEKSION 14
Maysa nga Adipen a Nagtulnog iti Dios
Inaramid ni Jose ti umiso ngem naipasango latta iti nakaro a rigat. Apay?
LEKSION 15
Saan a Linipatan ni Jehova ni Jose
Uray adayo ni Jose iti pamiliana, tinulongan isuna ti Dios.
LEKSION 17
Pinili ni Moises ti Agdayaw ken Jehova
Naisalakan ti ubing a ni Moises gapu iti nagsayaat a plano ni nanangna.
LEKSION 19
Ti Umuna a Tallo a Didigra
Gapu ta saan a nagtulnog ti natangsit a ni Faraon, nadidigra dagiti tattaona.
LEKSION 20
Ti Simmaruno nga Innem a Didigra
Ania ti nakaidumaan dagitoy a didigra iti umuna a tallo a didigra?
LEKSION 21
Ti Maikasangapulo a Didigra
Nakaro daytoy a didigra nga uray la simmuko ti natangsit a ni Faraon.
LEKSION 22
Ti Milagro iti Nalabaga a Baybay
Nalasatan ni Faraon ti sangapulo a didigra, ngem nalasatanna ngata daytoy a milagro ti Dios?