Abọ nana ọ ta kpahe Josẹf, Job, Mosis gbe emọ Izrẹl. Aikpobi a thihakọ ebẹbẹ buobu evaọ obọ Ẹdhọ. A kienyẹ ejọ, a fi ejọ họ uwou-odi, ejọ e jọ igbo, yọ a tube kpe ejọ dede. Rekọ Jihova ọ rehọ idhere sa-sa thọ ae. Otẹrọnọ whẹ yọ ọsẹ hayo oni, fiobọhọ kẹ ọmọ ra riẹ epanọ idibo Jihova yena a rọ ruẹ uye rekiyọ a kru ẹrọwọ rai ghele.

Jihova ọ rehọ Iye Ikpe nọ o ro te ahwo Ijipti na dhesẹ nọ o wo ogaga vi edhọ Ijipti. Dhesẹ epanọ Jihova ọ rọ thọ idibo riẹ evaọ oke anwae gbe epanọ ọ be rọ thọ idibo riẹ nẹnẹ.